Mazloum Cabde bı qaşyutho krıhle ahçome dıkmaşyo Turkiya b’Afrin

U rişono gawonoyo da Haylawotho d’Suriya Demoqratoyto Mazloum Cabde, sımle qroyto lu kenşo Emwothoyo dsoyım buhone cala hçome dıkmaşyo Turkiya b’Afrin bnişo dmitaklın a hawbe dıkmisomi cali noşutho.

Bebzabno u şutoso da Yaqrotho da Sohde frısle maqırhonutho u bı qaşyutho krıhle a hayle kaboşe d’Turkiya dıhfırlın u dmawfaqlın a şlade da Sohdathe b’Afrin.

U rabhaylawotho gawonoyo d’QASAD Mazloum Cabde, bı qaşyutho krıhle athmıl a thome da hayle kaboşe d’Turkiya dımdaclın, dımqafelın qabro mkanşo d’comure d’Afrin, dqtili ma hayle Kurdoye. Bi maqırhonuthayde Cabde m’akadle, da qabrani da Sohdathe’ne d’qtiliwo me hayle Turkoye bu zabno du kboşathe cal Afrin ba 2018 ubu hforano da şlade da mithathe, sımla Turkiya hawbe mqabıl di noşutho.

Calathe Cabde sımle qroyto lu kenşo Emwothoyo dsoyım buhone cala camlani dıkmaşyo Turkiya b’Afrin bnişo dmitaklın a hawbani. Komisyon d’Emwotho Mhaydotho mawdacwole ba 2020, da marhıbone noqufe d’Turkiya kısaymi hawbe du qrobo b’Afrin u tlıbwole me Ankara dgurşo a marhıbonayda mi mdito.

Me gabo hreno u Şutoso da Yaqrotho da Sohde di Mdabronutho yothoyto, krıhle huwe’ste athmıl a hçomani d’Turkiya cala qabre da Sohdathe u mırle; Hani camle di marhıbonutho’ne. Turkiya mawfaqla a şlade da Sohde qum cayne d’brithoo kula-dlo iqoro la timoyotho noşoye, tawdithoye udu moral.

U Şutoso da Yaqrotho da Sohde mırle’ste; A metodani dıkmaşyo Turkiya cama marhıbonayda mqabıl du camaydan uda dukothathe, lawi xıdwothaye bu makthabzabno. Calathe kıtulbina ma tukose da zedqe noşoye uma gabe kulle, dmaklın a dyoşani d’Turkiya calu camaydan.