Methhawyonutho cala haye d’Hrant Dınk b’Yerevan
Gıdmıftıh methhawyonutho bi arişkoyto d’Armenia Yerevan, cala fulhone ucalu mrodo dhuwole u gelyunoro Armınoyo Hrant Dink b’Turkiya. İ methhawyonuthathe gıdmıftoho me şawco bu yarhano uhol 30 bu yarhano d’İyor.
YEREVAN — U qentrun di Amnorutho yulfonoyto b’Yerevan, gıdsoyım baytoyutho li methhawyonutho dgımtayıb u Waqıf d’Hrant Dink calu mşalo u rişkothubo di sfaryarmo Armınoyto d’Agos bi cohnutho da 15 eşne du qatlayde b’Stanbul qum du bınyono di sfaryawmo 19 bu yarho d’Konun u haroyo da 2007.
U frosano gıdhowe dilonoyith cala haye ucalu mrodo du gelyunoro Armınoyo u gıdmşare 7 bu yarhano uhol 30 bu yarho. Bi methhawyonuthathe, gıdmıfrış duktho calu mrodo dhuwle Dink leşan i demoqratoyutho, lu şlomo uli kinutho.
Bebzabno bu glohano gıdmitahke cali teşcitho d’Hrant Dink u cuhdonayde wu gıdmitaşmıc u qolayde leşan u tlobo da zedqe da qalilotho b’Turkiya. Mawdıc mi celtho da gzome d’Ankara uda hboso dıksaymo cala şutose şarye uda mdinoye, gıdmsomo i methhawyonuthathe b’Yerevan leşan dmıgrış u zuhoro cal Hrant Dink bnişo dmıtlıb kinutho mqabıl du qatlayde.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
