Michael Rubin maşbahle Erdoğan b’Saddam

Turkiya hawyo xıdu athro du Iraq du zabno da 90’yat wu Erdoğan hawi xıd Saddam Hussein du zabnawo, komır u mbahnono Amerikoyo Mikael Rubin.

 Megabo hreno a mşale da gabe di saqıbloyutho d’Turkiyaste, sımlın sturyo qaşyo u rişqutno Erdoğan, dlaybe fayış dımdabır u athro.

 Bi mimartho dıfrısle u mbahnono Amerikoyo Michael Rubin, kmahwe ftiho Erdoğan dkıtyo diktatör, mawxa bu zabno du momuno du athro nahıt l’darğo lo towo, huwe ksoyım harake xıd layt mede. Bi mimartho dıkthuwle u mbahnono Amerikoyo, kımahke cali aykanoyutho d’Turkiya mıqa latyo tawto u kımaşbıh u zabno d’Turkiye ducdo u d’Erdoğan lu zabno da 90’yat du Iraq u du rişono catiqo Saddam Hussein.

Rubin komır; Erdoğanste xıd Saddam khoze du athreyde kmıshıf wu momuneyde ktoyım, elo huwe lıkmaqbıl dkito hawxa mede u kmıtyaqın dkibe dmaxlıs u athro ma dayne dhawi acle. Rubin bi mimartheyde kmahke calu hjomo dsımle Erdoğan bu zabno haroyo cal Suriya, cal Qufrus u ba yawmotho haroye xlıtle ruhe bu qrobo da Qawqaseste.

Bıthır ma zawcani dsımle Erdoğan, anathrawotho mabramlın hasaye ele. Me gabo hreno a rişone da gabe saqıbloye d’Turkiyaste, mşarelın b’qaşyutho dsaymi sturyo u rişqutno Erdoğan u kımmi; İ aykanoyutho du momuno du athro wi sbutho da esore baroye u ğer, nahıt lu darğo tahtoyo dkulle.

Mathlo lu medano u rişono du gabo d’CHP Kemal Kılıçdaroğlu sımle qrayto l’guboye şnize ucdo metul da tıre  gabe dkıtne bi şultonutho, law kibın dımdabri u athro.