Mınyono ma hadome di taşdarto da gabe folitiqoye frişe d’Almanya msiki bu bethtawso d’Erbil
Mınyono ma hadome di taşdarto da gabe folitiqoye frişe d’Almanya dabici dızzın athmıl lu qlimo d’Kurdistan du Iraq, maklın bu bethtawso d’Dusseldorf u ğerste maklın bu bethtawso d’Arbil.
U msokano da hadome di taşdarto Almanoyto athi lu huwoyo, bu zabno dıkmdawmo Turkiya a hçomayda calu gerilla di PKK bu garbyo du Iraq.
Taşdarto Almanoyto me 17 farsufe; beynothaye folitiqore dkıtne bu şerşo Kurdoye, gıdqaymowa athmıl mu bethtawso d’Dusseldorf leşan d’nuhto bu bethtawso d’Arbil, bnişo dqudro dsaymo mescoyutho beyn da hayle Turkoye udu gerilla di PKK, dhani zabno yarixo kımdawmi a taxtuşe beynothaye bu garbyo du Iraq.
Elo bu bethtawso d’Dusseldorf maklıyo i taşdarto mu polis Alamanoyo u mid kmo farsufe hfite lu buqoro wa hadome hrene’ste, msiki bıthır bu bethtawso d’Arbil. U msokano şabıh lu mede dsımwola i şultonutho di KDP bu şuroyo di şabtho d’şafıcina, mqabıl d’ğrob Urifoye u dlo trewola dcobır lu qlimo u madcarwola.
İ sbutho di taşdartathe d’Almanya’ste athyo lu huwoyo bu zabno dıkmdawmi a taxtuşe beyn da hayle kaboşe d’Turkiya udu gerilla di PKK wu tathir wu husrono dtrelın a taxtuşani cala comure da qıryawotho du qlimo u dhawi’ste celtho dnofıq şwolo beyn da gabe frişe da Kurdoye. Lfuth u polis Almanoyo, a farsufe hfite dmidi la buqore, kibın dımşakli qento li mşaynutho d’Almanya bu Iraq.
Yawme d’Hamşo dşafıc, thımwola i KDP u gerilla di PKK bu nqolo d’barmothoye Urifioye l’Arbil leşan dmahrıwi i mşaynutho du qlimo. Elo a farsufe hfite; beynothaye Cansu Özdemir dkıtyo hadımto du gabo Semoloyo bu parlamento d’Hamburg mawdacla, di niyathe latyo dmıştawtıfi bu qrobano elo dımnasın dımcadri leşan dmışre u qrobano bu darbo du şlomoyo.