Mnaqe qaşişo Daniel Bar Arxıdyaqun Timathewos hasyo li marcitho du Iraq

İ Sunadus di cito catıqto d’Madınho, mnaqela qaşişo Daniel Bar Arxıdyaqun Timathewos hasyo li marcitho du Iraq u bebzabno dhowe mcadrono fatıryarxoyo.

İ syumutho du hasyo gıdhuwyo 26 bu yarho d’İlul, dkıtyo u yawmo du duxrono du Slibo lfuth u surgodo di cito catiqto d’Madınho. 

Qaşişo Daniel mawladwo bi şato da 1990 bi mdito d’Tikrit d’Salahadin bu Iraq bıthır mu yulfono şarwoyo, hawiwo afıdyaqno cal idothe di qadişutho du fatıryarxo Mor Aday II bi şato da 2003.

Bıthır masrıh kuhno bi şato da 2012 mi qadişutho du fatıryarxo Mor Aday II wu ucdo i Sunadus qadışto mıdla fusqono dhowe hasyo li marcitho du Iraq u bebzabno mcadrono fatıryarxoyo. U kohno Daniel ksoyım kohnutho l’tarte citotho dkıtne- i cito d’Yoldath Aloho b’Caynkawa u Mor Yuhanın dkıtyo bi mdito d’Kerxeslox.

U qaşişo Daniel kıtle yulfono di filosofutho udi tewoloğia mi bethsawbo d’Urbona d’Roma. U kohno gıdmitasrıh hasyo li marcitho, 26 bu yarho d’İlul di şatathe bi cito d’Yoldath Aloho dkıtyo bi arişkoyto du Iraq Boğdod.