Mnaqe u rişathro du athro d’Polonya ba ğuboye dsim bu athro

Ba ğuboye di rişqutnutho dhawın bu athro d’Polonya u rişqutno dkıtwe bi wolitho qamır a ğuboye b’mınyono nacimo calu mraşho du gabo Semoloyo liberaloyo u da yaroqe Rafal Trzaskowski. Bi mawdconutho dhule u rişono du şutoso da ğuboye Sylwester Marciniak mırle Andrezej Duda qamır a ğuboye du athro.

Ba ğuboye dhawın bu athro d’Polonya yawme dhuşabo  u mraşho du gabo di kinutho u da zedqe PİS  Duda qamır a ğuboye lfut a kunoşe da ğuboye d’heş latne ruşmoye.

Bi mawdconutho dhule u şutoso celoyo da ğuboye mırle: u gabo d’Duda mıdle 51 foruşo 21 bamo ma qole gawonoye, wu mraşho hreno du gabo semoloyo u du gabo da yaroqe Rafal Trzsakowski mıdle 48, foruşo 79 bamo ma qole.

Lfuth u kunoşano da ğuboye u rişqutno Duda dkıtyo bi wolitho qamır a ğuboye du athro bu şıkılano naqa hreto hiye gıdfoyış rişqutno du athro d’Polonya.

Lfuth i mawdconutho dhule u şutoso da ğuboye 68 bamo ma mğabyone hulın u   qolathe ba ğuboyani.

Lfuth u kunoşano dheş latyo ruşmoyo u rişqutno Duda mnaqe da tarte naqat bu şıkılano 5 ışne hrene gıdfoyış calu kursyo di rişqutnutho du athro d’Polonya.