Mor İğnatiyos Afrem drışle i aykanoyutho gawoneyto d’Suriya cama hsaye

İ qadişutho du fatıryarxo di cito Suryoyto Orthodoksoyto Mor İğnatiyos Afrem II, hawile ytawto cama hsayo da citotho mşahılfotho d’Darımsuq.

 Athmıl a hsayo da citotho mşahılfotho d’Darımsuq, bıthır mu knuşyo dhawilın bu qentrun fatıryarxoyo di cito Suryoyto Orthodoksoyto b’Darımsuq, laqın i qadişutho du fatıryarxo Mor Afrem II.

Beyn da citotho dmıştawtaflın lilqoytathe, kıtwo i cito Suryoyto Qatholiqoyto, i cito Suryoyto Malkoyto, i cito Latinoyto wi cito Armınoyto.

Bi ytawtathe, i qadişuthayde wa hsayo drışlın i aykanoyutho d’Darımsuq u d’Suriya gawonoyith, ube bzabno maqımlın slutho mşawtafto u tlıblın me Aloho dmastır a bnaynoşo mu kewo du virus d’Corona uma kewe u kurhone dkito.