Mosko u Darımsuq bu buyono mşawtfo dıfrıslın makadlın zıd m’150 mdinoye qtili bi netiçe da hçome dsımlın a’çatawiye dı Turkiya b’İdlib

An’athrawotho d’Rusya ud’Suriya, mawdaclın du hurhoşo dkımdawım mi xasra da çatawiye dı Turkiya, hawi celtho dmıhçım cala nuqazyothaththe bi fnitho d’İdlıb.

 Be bzabno, Mosko u Darımsuq bu buyono mşawtfo dıfrıslın makadlın d’zıd m’150 mdinoye qtili bi netiçe da hçome dsımlın a’çatawiye dı Turkiya cala dukotho dkibın mdinoye ba fenyotho d’fayiti lu duyoqo di şultonutho d’Suriya.

A’mdabrınwotho folhoye da tre gayse d’Rusya ud’Suriya, bu buyono mşawtfo dıfrıslın lu tboco froso, mawdaclın du hurhoşo dkımdawım mi xasra da grube marıhbone dı Turkiya çbırle u gayso dı Suriya dmabde cuqobe, bnişo dsoyım u garanti di mşaynutho da fenyotho dkıtne bi moruthayde bi fnitho d’İdlıb.

U buyono mşawtfo mawdacle da hçome dıksaymilın a’çatawiye du Gbino d’Alnusra wa grube dkıtne masre acme, hawın i celtho dlımakşarlın a’fulhone dıkmisomi m’Rusya um’Suriya, bnişo dmitaxifo i qaşyutho di mwatyutho dkito bi fnitho d’İdlıb.

U buyono dmawdacle dıqtil zıd me’150 mdinoye ba hçome dsımlın a’grube çatawiye bu yarho d’Konun u Haroyo dşaficina, ba melani mdawamle “a’çatawiye zrıclın foqucwotho ba darbone, u sxırlın a’darbone dımbayni m’Rusya um’Suriya laşan dnıfqi a’mdinoye bı mşaynutho larwal d’İdlıb. Ubıthır mdıjbiri a’marıhbone dıdıcri la xalf, u gayso d’Suriya mqafela zayne u alat folhoye dısnici b’athrawotho macırboye, wu medano kmadıl da grube mzayne kımdawım dqathlın snodo m’larwal”.

İ mwatyutho b’İdlıb bu garbay macırbo d’Suriya, bısurhobo kıqışyo, dilonoyith bıthır mıdlımakşarlın a’droşe haroye dhawın bayn d’Rusya u Turkiya bi sbuthathe.

İ şultonutho d’Suriya ba yawme haroyani mafıtla lu duyoqayda menyono d’fenyotho dkıtne hedor d’İdlıb ud’Hlob. U mqabıl du medano Turkiya kımdawmo dımşadro folhe u radoyotho folhoye li fnitho.