Mqadım renyo dmitaqimo i hasinutho du qoyumo Tuma Çelik

Bıthır ma buqore dsımle u komisyon dkıtyo mşaklo me 5 qoyume dkıtne 3 mu gabo d’AKP, ha me CHP u ha mu gabo d’HDP, mqadamle renyo dmimodo i hasinutho du qoyumo du camo Suryoyo-Othuroyo Tuma Çelik.

 Bıthır mu renyano dımqadım, u komisyon du parlamento dıkmişakıl me 52 qoyume gıdmoyıd fusqono, en gıdnoqıl i sbuthathe lu parlamento aw gıdmaklela.

 Bi sbuthathe du qoyumo du camo Suryoyo-Othuroyo Tuma Çelik, u tbcocofroso d’Turkiya dkıtyo snido li şultonutho, kıthuwlın ğalabe tebe dımanhatlın u darğo u mşahlaflın a tebani.  

Elo ucdo u komisyon bıthır mıd sımle a buqore camu qoyumo u cami athto dıktıhmole, matın l’awyutho dmawdıci u renyathe lu komisyon dlalcıl dkıtyo mşaklo me 52 qoyume. Bi mawdconutho dhule u rişono du komisyon dkıtyo me AKP mırle: Leşan dılo torina u parlamento du athro tahted thome, mqadamlan renyo di sbuthathe dmınqolo lu bethdino u tamo dmitahwe fusqono haroyo acla.

 İ sbuthathe gdımdawmo bıthır mucdo bu komisyon dkıtyo mşaklo me 52 qoyume dkıtne bi sagiyutho mu gabo d’AKP, wu komisyonano bıthır ma buhone u buqore dıgsoyım gıdmoyıd fusqono en gıdnoqıl i sbutho lu parlamento yaste gıdmaklela wu qoyumo Tuma Çelik gdımdawım ba fulhonayde xıd qoyumo.