Mqafe athare makthabzabnoye du cameydan bi daşto d’Ninwe qaruto l’Mawsal

Mqafe athare hathe dıkmote u makthabzabnathe lu zabno di mamlaxtho du cameydan u Othuroyo bi daşto d’Ninwe.

 A atharani mqafın, bıhdo ma qıryawotho di fnitho Hamam Alcalil dkıtyo 25 kilometre rahıqto mi mdito d’Mawsal.

 Bu zabno dıkmisamwo hfore bi fnitho d’Hamam Elcalil, mqafe athare dıkmote u makthabzabnathe lu zabno da mamlaxyotho du cameydan. Bıthır mıd mqafın a atharani, makle u hforo di dukthathe u hiw xabro li wazirutho da athare du Iraq.

I duktho dımqafın a atharani, rahıqtoyo me Mawsal 25 kilometre bi fnitho d’Hamam Elcalil yo. Xıd kıtyo idico tahte dan arcotho di daşto d’Ninwe, kito ğalabe athare dheş dlo gle aclaye, u hani dı gle aclaye’ste mahırwi.

Elo bıthır mu kboşo da marhıbone d’Dacış fris ğalabe tebe cal aydarbo a marhıbone mahrawlın an athare u bınyone makthabzabnoye du cameydan dkıtne bi daşto d’Ninwe.