U Iraq kobıc bone maşritho la eqaryotho d’Dacış bu qlimo d’Ninwe

U Iraq kıbone maşritho dilonoyto bu qlimo d’Ninve, leşan dmitahti eba a yaqrotho da marhıbone d’Dacış, bıthır mıd nqili mi maşritho d’Al Hol bu garbay madınho d’Suriya.

 İ mawdconuthathe, hiwo mu qoyumo d’Ninve bu parlamento du Iraq Şervan al Dobardany lu tbocofroso du athro.

İ daşto d’Ninve bu garbyo du Cıraq, i duktho şerşoyto u makthabzabnoyto du camaydan du athro’yo. Elo athmıl frısle Şervan al Dobardany dıkmathıl u qlimo d’Ninve bu parlamento du athro Iraq, maqırhonutho cala fulhone haroye mabdela i şultonutho d’Boğdod bu garbyo du athro.

Dobardany m’akadle, di şultonutho bıdela bu terkiwo di maşritho rabtho b’Ninve, leşan dsaymo baytoyutho la yaqrotho da marhıbone bnaymothoye du Iraq, dkıtne ucdo bi maşritho d’Al Hol bu garbyo d’Suriya. Bi maşrithathe gıdmitahıt 4 alfo xaymotho bi şawtho d’Al Rabica’ste gıdmitarkıw nuqazto di mşaynutho. Bi maşritho d’al Hol bi Hasake, kito hol 40 alfo galwoye; beynothaye yaqrotho da marhıbone dımsikiwo ma hayle d’SDF.

Lfuth u qoyumo, hol 50 ba mo di maşrithathe rakiwo wu Boğdod kubco dnuqlo 31.400 galwoye Iraq-i sagiyoyuthathe yaqrotho da marhıbone lu qlimano d’Ninve. U waziro dcala galwoye, rfıdwole bu yarho d’Tamuz dı şafıcina i maqırhonutho qamayto dfrıswole u qoyumo Dobardany bi sbutho di maşrithathe

İ mawdconuthathe d’Dobardany friso, yawmo meqım mıd u tukoso Emwothoyo da Zedqe Noşoye mawdacwole, dıkmisım hedriye dmınqıl 32 alfo bnaymothoye du Iraq me Suriya lu athro. Mawdıc di maşrithathe kmitarkıwo b’Al Amla dkıtyo bi fnitho d’Al Zummar bu qlimo d’Ninve-dhzewole husrono rabo ma ghrobe marhıbone d’Dacış dsımwolın’ste qtolğenso calu camaydan ucala qalilotho hrene du qlimo.