Sim şalyuthzayno beyn da gurube du athro d’Libya
Bi sbutho du qrobo d’Libya dıkmdawım, a sicotho folhoye dkıtne ma tre grube mharbone d’Libya methawelın dımdawmi bi şalyutho zayno dkito.
I fusqonano mid bu athro d’Swizra b’Cenev bu knuşyo dımşarewole 3 bu yarho d’Şbot bayn da sicotho dkıtne me kul gabo 5 farsufe dkıtne matre gurube mharbone d’Libya.
Bıthır mu knuşyo dsımwo b’Berlin d’Almanya, mnaqewo 2 sicotho-kull hdo me me 5 farsufe-mu gabo d’Khalifa Haftar udu rişwazire Fayez al Sarraj, dkıtne a 2 gurube rabe dıkmharbi hdode b’Libya. Bu knuşyo haroyo dımşarewole 3 bu yarhano, methawlın dımdawmi i şalyuthzayno dmıttafaqwo acla 12 bu yarho dı şafıcina.
Bi maqırhonutho dhuwla i sicto du buqoro d’Emwotho Mhaydotho bi sbutho d’Libya mırla; Ulsoyowe dımdawmo i şalyuthzayno u bebzabno, a 2 gabe m’akadlın cali ulsoyutho di ithutho u di morutho du athro dmihafdo zıttır. Wa fusqone dmidi cal Libya, lıklozım dmıtroyi b’idothe d’ğer hayle wa folhe zuzonoye dkıtne bu athro, klozım dmıttawfqi. Be bzabno methawlın dımdawmi u qrobo mqabıl da marhıbone, wa galwoye dkıtne bu athro dı ducri la dukıothathe.
Bi mawdconutho dhiwo mi sictho d’Emwotho Mhaydotho mawdıc, dımqadamla renyo dmisım knuşyo trayono 18 bu yarhano, leşan dımdawmi a droşe di şalyuthzayno. Lfuth a fuşoqe da folitiqore, i awyuthathe maqharla Turkiya ğalabe, metul dhın ma fusqone mqabıl dida’ne. Mathlo a folhe zuzonoye d’Turkiyane u be bzabno ha ma athrawotho dkımdaxıl bi sbutho gawoyto d’Libya Turkiya’yo.