Mqafe bethqburo catiqo bi qastra d’Kerboran

Mqafe bethqbure mkanşo bıhdo mcartho, dkıtyo bıqritho qaruwto li Qastra d’Kerboran b’Turabdin.

 Lfuth u tbocofroso, u farsufo qamoyo dımqafele i mcarthathe hşuwle hol zıtır me 30 rişe d’farsufe u garmme ğalabe.

A garmani dkıtne bi mcartho, mqafın ma comure di qritho, bu zabno dkıtwın  bıgawe di mcarthathe dkıtyo bu turo di qritho d’Gulbiş d’Kerboran.

Yahya Yakut dkıtyo ha ma comure di qritho bi mawdconutho dhule mırle; Kıtlan tebo ma farsufe dı qtili ba 90’yat dıkmitamır a qatle da qatole dlatne idice. Mawxaste hani kibın dhowın a garme da farsufani dıqtili bu zabnawo.

Yakut komır; Huwli xabro lu mqimdino di fnitho, leşan dmisım cuqobe aclaye-mın garmene metul u mede dı qadırno dhoşawno, kito zıttır me 30 farsufe bi mcarthathe.

Bhaq da bethqburani a mkanşe, layto mawdconutho ruşmoyto elo b’Turkiya latyo inaqla qamayto dıkmiqafe bethqbure mkanşe. Latwe me zabno rahuqo, dımqafewo bethqbure mkanşo mu zabno du Sayfo.