Mqafe garme catiqe mu zabno du Sayfo b’mcartho ğnızto tahte du bınyono di cito d’Mor Dimet bi qritho d’Arbo b’Turcabdin

ARBO, TURCABDIN, Turkiya – Adşato, kışofıc 110 eşne calu Sayfo dsımwo calu camaydan. Elo holucdo’ste, heş kınofıq tahwiyotho dıkmadili calu makthabzabno catumo d’Turabdin. Lfuth hın mbahone du qlimo, mqafe qabro mkanşo dkibe ba mowat d’jamjamyotho u garme catiqe dfarsufe, b’duktho ğnızto tahte di arco di cito catıqto d’Mor Dimet bi qritho du camaydan-Arbo b’Turcabdin.

A mbahnone kısaymi taxmin, da jamçamyotho uda garmani a catiqe d’neşe u nacime’ne dhawın’wo dıbhe lu qtolğenso mayiro dsımwo calu camaydan u Suryoyo Othuroyo mi mamlaxtho da Cuthmanoye bu zabno du qrobo qamoyo dbritho-awkith u Sayfo dan 1915.

U hlilo dkızze li mcarthathe ğalabe ciqo u catumo’yo ubıgawe di qeloytathe, a garme rize’wın qariwo la şurone. A mbahnone dheş lo mabdelın buhone calu mede dımqafelın kımawdıci’ste, dhathe kımadilo cal makthabzabno barbroyo. A comure di qritho d’Arbo kımawdıci dkıtwolın haj mu mede dkıtwo bi mcarthathe elo mi zuctho lo mawdaclın l’noşo.

İ qritho d’Arbo maxlıyo 3 naqlat bıgawe du makthabzabnayda, wi naqla harayto ba 90’yatwe bıthır mıd i dewle mdacela dkito qento di mşaynutho bu qlimo. A comure d’Arbo bdewolın ba 2001 ducri me Urifi li qrithathe leşan dbonın u dımhathıthila elo u qabrano u mkanşo dımqafe, noşo lo dıqle