Mşarela tahrazto rwıhto du bnoyo udu hethotho da bote u citotho bi mditho d’Batnaya

U tukoso Qatholiqoyo d’Citotho b’Ulsono mawdacle, dımşarela tahrazto rwıhto du bnoyo udu hethotho d’bote u citotho bi mdito d’Batnaya bi daşto d’Ninve.

 U mşalo dcala tarmiyotho dıkmaşe u tukosano Abuna Andrej Halemba mırle; İ mditho Mşihoyto d’Batnaya dmahrıwowa kamiloyith ma marhıbone d’Dacış, kmisım ucdo u hethothayda.

Mabde tarmitho rwıhto du bnoyo udu hethotho di mditho du camaydan d’Batnaya dkıtyo bi daşto d’Ninve bu garbyo du Iraq. İ mdithathe dfayişo 2 eşne kbışto ma ğrobe marhıbone d’Dacış ba 2014, shifowa kulonoyith wu ucdo mabdın a fulhone du bnoyayda me hatho.

Ba shifotho, kıthuwolın a marhıbone egrotho qaşye mqabıl du camaydan xıd mathlo; A grece du Slibo, gıdqutlina kulayxu-hani arcotho da Maşılmone’ne, latxu duktho harke uğer mele tuhmonoye qaşye. Bıthır mu huroro di mdito ba 2016, fayışwo cali rağlo belhude ha ba mo da 997 bote.

U nişo du tukosano d’Aid to the Church in Need, dmisımste u hethotho da citotho, salone, betharke, ganathşabre uğeryo. Bi tarmithathe, kito nişo lu hethotho d’12 mdinotho u qıryawotho du camaydan di daşto dıhzelın husrono ma marhıbone.

U mşalo dcala tarmıyotho dıkmaşe u tukosano Abuna Andrej Halemba m’akadle u mırle; İ mditho Mşihoyto d’Batnaya dmahrıwo’wa kamiloyith ma marhıbone d’Dacış, kmisım ucdo u hethothayda. U nişaydan dım’amnina u dactith di mditho udı xulqina sabro hatho’yo. Ahna bı fusqono kamilo’na, dımcadrina a Mşihoye ducri u dfayşi ba dukothathe a şerşoye.

 U tukoso d’Citotho b’Ulsono kıtle sabro, du camo dı qodır docır li mdito u lfuth i mawdconutho dmıdlan me Batnaya, bne 350 bote bi mdito u dacır holucdo beyn 70-80 yaqrotho. Elo a yaqrothaniste latne thnihoye, cal dlayto duyoqo kamilo cali mcadronutho dıkmişadro leşan u bnoyo di mditho.