Mşatso i gudo qamayto di orkestra du cameydan b’Bağdede

İ gudo di orkestra d’Kenara di musiqi du camaydan, simla i hfituthayda i qamayto bi mditho Suryoyto d’Bağdede di daşto d’Ninwe.

İ gudo di orkestra d’kenara i qamayto dkulle dıkmişatso bi hiğmonutho d’Ninwe bu garbiyo du Iraq.

 İmditho Suryoyto d’Bağdede di daşto d’Ninwe, hawyo sohudto cali gudo di orkestra di musiqi du camaydan dıkmişatso i naqla qamayto bi hiğmonutho d’Ninwe bu garbiyo du Iraq bu ışmo “i gudo d’kenara”.

Umdabrono di gudathe qaşişo Durayd Barbar, mawdacle dkıtwole meqım kmo ışne u renyo di mşatsonutho di gudathe, bu zabno dıkhoragwo bu inistitut celoyo du konservetwar bu athro d’Lebnon. Qaşişo Durayd mathkarle ste dhawile nişo dımşatıs bi daşto d’Ninwe gudo di orkestra du camaydan w’alaw ste b’şıkıl nacimo xdu mede dkito b’Lebnon.

Qaşişo Durayd bi maqırhonutho dhule lu tboco froso mırle “a’hadome di gudo d’kenara clayme u farsufe mu camaydan ne dmıştawtafwolın l’dawrat di musiqi dımtaybiwo bi mditho d’Bağdede mhın malfone dkıtne m’Karamles u Barıtle. Ubu şıklano mşakıl sidayna mawhabyotho dımkamelın bıthır u yulfonaththe di musiqi kadimikoyto b’Lebnon, ya b’Arbil u yaste bi mditho d’Mawsal. A’claymani meqım mu yulfonaththe du akadimi, mıştawtafwolın l’turgome nacime di musiqi dıkmısnodiwo mi mtakasto d’Solt bu maşıqlo di golutho mi daşto d’Ninwe. Ba dawratani kmitawlafwo u nqoşo di musiqi cala alat du Gitar, u Cud, u Kaman, u Org, u Solfej u ğer”.

A’comure du camaydan di mditho Suryoyto d’Bağdede, mahwelın i fsihuthaththe mxasra, cal di hfitutho qamayto du futoho di gudo d’Kenara simo bı Bağdede, u mxasra hreto cal dıkhozın a’nacimaththe d’matın lu darğano u mşawşıto bu haqlo di musiqi.