Mtayıb adyawma u lumodo trayono du mawtbo da neşe da yaqrotho da sohde di Gozarto Bethnahrin

Bi qastra dı Rmelan bu garbay madınho d’Suriya, mtayıb adyawma u lumodo trayono du mawtbo da neşe da yaqrotho da sohde di Gozarto Bethnahrin.

Bu lumodano dmıştawtaflele mşale u mathlone d’gabe u şutose Suryoye, kmıntır dmisım şuhlofe bu haykılo du mawtbe da neşe da yaqrotho da sohde, ud’miayıd u nomuso gawoyo du mawtbo.

 Bu calway “u ağuno di athto hirto sutoro la timoyotho da sohde u garanti du qawmo du garbay madınho d’Suriya yo”, mşarelın adyawma a’ytawyotho du konferans trayono du mawtbo da neşe da yaqrotho da sohde du qlimo di Gozarto Bethnahrin. Lu lumodano dımtayıb bu qentrun d’Aram Tikran di mardutho udi amnorutho bi qastra d’Rmelan, mıştawtafle 400 delegasyone ma mdinotho uma qastrat mşahılfe du garbay madınho d’Suriya cam mşale u mathlone da tukose u şutose da neşe da qlime di Gozarto udı Froth, baynothaye i rişonitho zawgoyto du gabo du Huyodo Suryoyo d’GHS Nazira Gawriye dkıtyo bebzabno i rişonitho zawgoyto du mawtbo mşablono du qlimo di Gozarto Bethnahrin.

Bıthır mdıkle qatinto d’şetqo cali ruho da sohde, a’mıçğılone ba mamle dsımlın makadlın da neşe du garbay madınho d’Suriya klozım aminoyith dhowın hadire bu darbo da sohde d’obın u mrodo dıkşowe mqabıl da bceldbobe dkımnasın dmohın darbo li tarmitho di mdabronutho yothoyto, ubebzabno a’mıçğılone hulın şudoyo dmitaqwe u ağuno di athto bnişo dmişarır u hulmo da sohde, u makadlın ste dıklozım dhowe esore cama neşe kulle laşan dbonın camıhdode kenşo hiro demoqratoyo.

Bıthır mathe fris flim dokomentar cala haye da sohde wu dawro dmıştacelın bu qawmo du garbay madınho d’Suriya. Camgabıdathe, qrın a’taşrore şatonoye du mawtbo da neşe da tarte ışne dşaficina u sim u nuholaththe ma hadire.

Lfuth i sictho mdabronitho du konferansano, kmıntır dmisım şuhlofe bu haykılo du mawtbe da neşe da yaqrotho da sohde, ud’miayıd u nomusayde u gawoyo.