Mtayıb qurobo alohoyo laşan u duxrono da sohde d’Simele

Bi qastra d’Simele bu garbiyo du Iraq, sim u duxrono da 88 ışne da sohde du qtolcamo d’Simele.

U qurobo alohoyo dımtayıb laşan u duxrono da sohde Simele, mrayşın mu kohno di cito Othuroyto d’Rusya, u mıştawtaflele ba casrowat mu camaydan dıkhoye bi qastra d’Simele dıksıhdo hul adyawma calu admo yaqiro dbuzwolın a’sohde du camaydan.

Bu siqumo d’07 bu yarhano d’Ob, u kohno di marcitho d’Yuldath Aloho di cito d’Madınho d’Othuroye d’Rusya qaşişo Samano Xuşaba, mrayşanle u qurobo alohoyo dımtayıb bi cito di yemo da sohde bi qastra d’Simele bu garbiyo du Iraq.

Bu qerowano, qaşişo Samano sımle u duxrono da 88 ışne da sohde du camaydan u Kaldoyo Suryoyo Othuroyo dıqtıliwo b’şıkıl barbroyo ma haylawotho du gayso Iraqoyo bi qastra d’Simele. Qaşişo Samano mathkarle ste a’sohde du camaydan kulle dbızlın admaya bu Iraq mu zabno di mşatsonuthayde uhul ucdo, bnişo dmınfıq moro li ithutho du camaydan bu cafro da n’abohothayde bı Bethnahrin.

Bi koruzuthayde, qaşişo Samano b’şıkıl rabo mqalasle i mıştawtfonutho du camo mhaymno, u sımle ste qroyto la n’abne du camaydan dıturi i rafyutho dkibın lafa sebwotho mothonoye du camaydan udilonoyith u duxrono da sohde.

Lu qurobo alohoyano, mıştawtafle mathlone d’gabe umthoye du camaydan uba casrowat dımhaymne dıkhoyın bi qastra d’Simele.