Mtayıb u duxrono da 10 ışne di sohdutho d’Matay Rabo

Adyoma sim u yawmo da csar ışne du sohdo Matay rabo calu qawreyde dkıtyo bi qritho d’Kafro dmawladwo ebe u dımcafewo eba meqım me hısar ışne.

Bu duxronano dsim adyoma ba şoce dbıthır me falge d’yawmo bıthır mı temeşto da sohde dsimo mu taraf du kohno di qritho d’Arkah sim mamle cali mıcne di sodutho dkobe u ağuno du mawtbo umthoyo d’Bethnahrin

Adyoma a hadome du mawtbo umthoyo d’Bethnahrin wa sanode latimiwo ba bethqbure dı mahıtwo bınne u sohdo Matay rabo meqım me hısar ışne bi qritho d’Kafro.

Bıthır mi teşmeşto dmaqimi mu taraf du kohno di cito di qritho d’Arkah qaşişo Afrem, u mgabyo di qritho d’Kafro Aziz Demir sımle mamlo calu sohdo Matay rabo u calu ağuno dhule laşan i hirutho du cameydan.

Bıthır umşala d’SÜDEF Awgin  Turker mqadamle mamlo cala haye wu ağuno dhule u sohdo Matay Rabo, u bıthır mahkele calu ağuno di hirutho du cameydan dko mitahwe bi rişonutho du mawtbo umthoyo d’Bethnahrin ba haqle du athro, u be bzabno mahkele calu tacbo dkomitahwe wa sohde dı maxırlın u admathe cali arco d’Bethnahrin laşan sabro u dactid bahuro du cameydan, bu huthomo du mamleyde mahkele cali ulsoyutho di hdoyutho du cameydan dkıtyo ba yawmothani ulsoytır me kul zabno.

Bıthır ma mamlani dsimi calu qawro du sohdo Skandar Alptekin Matay Rabo a farsufe dı latimiwo ma qıryawotho d’hedor i qritho u mıdyad laşan dmathkri a 10 ışne di sohdutho du hadomo du mawtbo umthoyo d’Bethnahrin Matay Rabo.