Mtayıb zuyoho lu yowmo şatonoyo du huroro d’Tel Hamis

Athmıl dkıtwe u yawmo şatonoyo du huroro d’Tel Hamis ma marhıbone d’Dacış, mtayıb zuyoho dsim ebe mamle, zmoro u masrahto dımwasaflın u mrodo da Haylawotho d’Suriya Demoqratoyto.

Bu mamlo dsımle u rişono zawgoyo du kanton d’Qamişli Afrem İshaq, mqadamle tahınyotho la hayle folhoye da came du garbyo udu madınho d’Suriya, dhawın i şetısto da haye mşawtıfe da came.

U zawhano du yawmo şatonoyo du huroro d’Tel Hamis du Xabur, mşarele bu zawho folhoye dsim ma hayle d’QASAD bi mtaybonutho da mathlone di Mdabronutho yothoyto, mathlone ma came ume ba mowat ma comure d’Tel Hamis dhadiri bu wahdo di esfirreğlo dkıtyo bi qritho.

Bıthır mu zawoho folhoyo, u rişono zawgoyo du kanton di Qamışli Afrem İshaq mşarele bu mamleydo calu duxrono da Sohde dfdhelın a hayathe lu huroro di qritho ma marhıbone d’Dacış. İshaq mqadamle tahınyotho la hayle d’QASAD dkıtne a hayle dımhararlın Suriya me Dacış u bebzabno hınne’wın dhawın u darbo du terkiwo da haye mşawtıfe da came du garbyo udu madınho d’Suriya.

Bu mamlo dsımle u rabhaylawotho d’QSD Diyar Zagros huwle şudoyo lu huroro da fınyotho d’Cafrin, Rişcayno u Tel Abyad. Bıthır hiw u darbo lu mathlono du Mawtbo da Sohde d’Tel Hhamis Ehmed El Xalaf dmırle; Bu admo da Sohdeydan mhararlan a dukotheydan, hul dımharırina a dukothaydan kulle lıkducrina mu darbo da Sohdeydan.

Bıthır mu mamlo du rişono zawgoyo du Mawtbo d’Tel Hamis Xalıd Abdullah  mawhele falqo d’mazrahto u bıthır mdawım bu zmoro ubu raqdo da hadire.