MUB bi cohnutho du duxrono şatonoyo da Sohdayde du ağuno frısle buyono

Bi rişitho; A sohdaydn u neshono du ağono umthoyaydan’ne’ kımşare u buyono dfrısle u Mawtbo Umthoyo d’Bethnahrin bi cohnutho du duxrono şatonoyo da Sohdayde du ağuno.

Bu buyonano i Sictho di Rişonutho d’MUB kımmo; Cal dhulan sohde, a talabe folitiqoye, marduthoye u umthoye du ağunaydan udu camaydan. kothın adyawma lu yawmoyo da platforme Emwothoye.

Bi cohnutho du duxrono da Sohde du ağono umthoyo, frısle adyawma u Mawtbo Umthoyo d’Bethnahrin buyono u mathkare a Sohdayde dfıdelın a hayathe li sbutho umthoyto du camaydan. Bu şuroyo du buyono i Sictho di Rişonutho kımmo; MUB bu makthabzabno du ağunayde mıdle asas lruhe a timoyotho marduthoye, i hiyoyutho du camaydan wa prensibe da haye hire. U camaydan d’Bethnahrin u dımşatasle i mdinoyutho, twir u haylayde u mati l’qento du qşoco. Bnişo dmidaxıl mqabıl du medano mıdlan wolitho, dobina b’idactho badale rabe.

MUB mırle; A sohdaydan mnaqelın i zoxutho umthoyto wu darbo mqadşo dkulle u hawın a rişone şroro du ağunaydan. Bu haylo dıkmaydina ma sohdaydan, bu ağuno dıkobina u qolo du camaydan, maşmıc lbritho kula, u sim şuşote bi sbutho di mathlonutho udi hdoyutho umthoyto. Mqabıl da marhıbone uda hayle du statuko du Madınho Mescoyo dkıtne diktatör u faşits, mid duktho bu gbino demoqratoyo udi hirutho, u sim u sutoro du neshono du camaydan. A sohdaydan dkıtne i timutho yaqırto du ağunaydan udu camaydan, maglelın cala siyasat du floğo du athraydan, u trelın u mafhum di hdoyutho umthoyto dcoyış me hatho.

Bu huthomo MUB komır; Mhalıq dawsat lu yulfono du leşono emhoyo b’Bethnahrin, dmitayıb tahrazyotho du camaydan dmote l’statu dımdabır ruhe. A sohdeydan matcanallan mşalutho dmamtena lıhdode a tukose, şutose wa falqe du camaydan. MUB bu makthabzabno du ağunaydan huwlan ba casrowat da sohde ubı iqoro kmathkırinalın kull şato 10 bu yarho d’Teşrin u qadmoyo.Leşan dımathlina i yortutho dtrelın a sohdaydan u dnuqlina i şroğo dmaqıthe-kımdawmina a fulhonaydan b’fusqono kamilo. U ağunaydan ba wahde kulle knofıq moro la sohdayde wu duxronathe gıdmisım camu camaydan bşıkıl qawyo. Bu asasano b’iqoro rabo kmathkırina a sohde du ağunaydan, u sabrathe wu nişathe gıdmacışinalın cami hirutho du camaydan.

Tihe a sohde du ağunaydan di hirutho dıkmitahwe bi rişonutho du Mawtbo Umthoyo d’Bethnahin.