MUB frısle buyono cali aykanoyutho harayto dcalu gabo di HDP

İ Sictho di Rişonutho du Mawtbo Umthoyo d’Bethnahrin, frısla buyono cali aykanoyutho harayto du gabo Demoqratoyo da Came-HDP wi siyase dıkmaşe u gabo d’AKP leşan d’soxır u gabo.

Bi rişitho du buyonano MUB komır; HDP u sebyono da came’yo u camhıdode gıdmdawmina u delqublo. HDP u plattform dawronoyo da came dkıtlın hiyoyutho mşahlafto, da renye demoqratoye u sagiyonoye dıkmıbce dmılhınyo.

U Mawtbo Umthoyo d’Bethnahrin frısle buyono u m’akadle calu sebyono dkıtle u gabo Demoqratoyo da Came u mırle; HDP u sebyono mşawtıfo u hiro da came etnikoye, tawdithoye kulle‘yo u dkıtte şerşe makthabzabnoye, marduthoye bi jeoğrafya d’Bethnahrin u d’Anatolya. HDP u platform dawronoyo da came dkıtlın hiyoyutho mşahlafto, da renye demoqratoye u sagiyonoye dıkmıbce dmılhın. Model dkibe dmimıd mathlo leşan da came du Madınho Mescoyo dcayşi cam hdode‘yo.

MUB komır; Cal dkıtyo mqabıl di tuhmonoyutho u dkull şıkıl frişutho, mawfaqle a hiyoywotho kenşoye, etnikoye u marduthoye dımnase dmıqşoci, u hulelın mkono dmimathli bu parlamento. U xtutano di HDP wu kuşorayde, macjazle i diktatöriye d’AKP u MHP cal dmawfaqle haylo dkibe dtore d’xofıs i şultonuthathe u mid nişo la hçome faşist. AKP u MHP dkıtlın zıhniye mankıronitho, u cam hdode hulın amro lu bethdino, u 17 bu yarhano d’Odor mhalaqe dawse qrıhto ba gzomathe du sxoro d’HDP. Bcayni yawmo u qoyumo d’HDP Ömer Faruk Gergerlioğlu dkıtyo farsufo dıkımdafıc a zedqe noşoye, mçaze lu hbuşyo umido i hasinuthayde.

MUB mırle; AKP bıthır mıd athi li rişonutho, Erdoğan u kmo farsufe came, bgawe -u larwal du athro maşelın siyase rafıcto mşakelın şultonuthatho cam MHP. U mede dıkmahwe bu maşıqlano a siyasat da 2 gabani kımathli i dawle hathto wa came d’Turkiya kloqın bu qento d‘qtolğenso hatho. U şroyo ihidoyo a came d’Turkiya, a dsındi i demoqratoyutho u dlutmi lıhdode u d’ğulbi u faşizim u dkull şıkıl dımwaxronutho. Klozım dmidıc, i tuhmonoyutho wu tenkiro hawbo di noşuthoyo. U sxoro d’HDP kothe li mıcne, u qtoco du qolo da came, u nfoqo mqabıl di lo qonunoyutho u dmitaklıyo i demoqratoyutho, i hirutho wa zedqe noşoye‘yo.

Mi cılthathe a came d’Turkiya leşan haye mşawtıfe u mqabıl du komplo cjiqano klozım dmahwın awyutho cam HDP, u medano wolitho noşoyto u doronoytoyo. Ulsoyoyo ğalabe da hayle Emwothoye dşıfci li harake mqabıl di lo qonunoyutho ula qedome dkıtne anti demoqratoye. Xıd Mawtbo Umthoyo d’Bethnahrin ksaymina qroyto lu camaydan, dnofıq mqabıl da hçome dsimi bi şaxsiye d’HDP cali hiyoyuthayde ula timoyothayde u dmahwe delqıblo mqabıl da siyasat dıkdayşi a zedqeyde.