MUB frısle buyono da buyoe calu şenoyo d’Yahkub Baydono

 ‘B’iqoro kımathkrina u hadomo d’MUB wu hawraydan u mothonoyo Yahkub be Mbaydono. A melani di rişitho du buyono dfrısle u Mawtbo Umthoyo d’Bethnahrin calu şunoyo du hadomayde Yahkub Mbaydono’ne.  

 MUB mırleste; Kcayşina u haşo di frişutho du hawraydan u myaqro Yahkub be Mbaydono me beynothayna, u kfulğina u haşo di iqarthayde.

 Bu buyono dfrısla i Sictho di Rişonutho Mawtbo Umthoyo d’Bethnahrin kımmo; U hadomo d’MUB u hawraydan u myaqro Yahkub be Mbaydono dkıtwe tacobo, camonoyo, mothonoyo b’cımro d’89 eşne, nqil ma hayanai 14 bu yarhano d’Ob bi mditho d’Giessen d’Almanya, u friş me beynothayna.

A haye du ağuno du ahunaydan u rabo myaqro Yahkub be Mbaydono, kibe dhowın xıd madraşto dmimodo mathlo mi iqarthayde, ma farsufe dhedore uma hawronayde du ağuno. Cal ba hayayde kulle, lo trele mi şrorutho, mi mothonoyutho, umi masirutho dkıtle ba timoyotho du camayde u cımre kule idıc xıd farsufo msimono, mşayno u rahomo du athrayde.

MUB komır; U hawraydan u Myaqro Yahkub be Mbaydono me lebe kule mhaynile lu ağuno dıkmitahwe bi rişonutho d’MUB u hawi ha ma hadome hfite. Mıştawtafle la hfitwotho dsimi b’Urifi u cıl mu cımro dkıtwoleste kull naqla hule moral la farsufe dhedore. I wolitho wi mşalutho dıknıflowa acle mamtalle li duktho u hawiwo remzo da hfitwotho uda takliyotho du kafno dıkmisomiwo leşan du Sayfo.

Bu huthomo MUB komır; Bu rişo kımqadmia a buyoeydan li bethzawgayde i tacıpto u mothonaydo Koçare be Mbaydono, la abnothayde Wardo Rhawi u Turkan Uçar dkıtne hadımyotho di sictho mdabronitho d’MUB, ula farsufe di iqartho kula. Mnoho Yahkub Kalaycıoğlu be Mbaydono ba timoyotho ubi fedekariye dhule lu ağunaydan, ubi şaxsiyayde dkıtwa mathlo, kull naqla gıdcoyış beynothayna. Cal ışme di sictho di Rişonutho d’MUB naqla hreto kımqadmina basimuth d’rişo li iqartho dbe Mbaydono, u ktulbinale husoyo me Aloho u kımmina dukthe dhuyo i malkutho şmayonitho.