Nafiqo i qritho d’Gare Kesroka naqla hreto li holo cal da maye du masxorano naqisi ğalabe

İ qritho d’Gare Kesroka dfayşo hani 36 eşne tahte da maye du masxoro d’Nuhadra, nafiqo ucdo li fotho bıthır mıd naqisi a maye du masxoro.

İ qrithathe maxlıyowa ma comurayda ban 1985, bu zabno dmlewo u reservoar du masxoro d’Nuhadra wu ucdo bıthır 36 eşne, nafiqo i qrithathe naqla hreto li holo cal da maye du masxorano naqisi ğalabe.

U Iraq wu qlimo d’Kurdistan-xıd ğer athrawotho du Madınho Mescoyo, kıcayşi ba eşne haroyani b’bsirutho rabtho da maye, cal dlo nahıt ğalabe mattre u cal d’Turkiya, lıkaxiro maye lu Iraq u l’Suriya.

U mşalo du masxorano mırle; İ kmoyutho da maye bu masxorano dkıtyo leşan u ştoyo da maye, ucdo 8 metrowiye noqıstır mi şato da 2020’yo.