NUHADRA: U Tawro Gefonoyo d’Lamasu mati l’qento du hrowo
An arkeolog du qlimo d’Kurdistan bu garbyo du Cıraq grışlın u zuhoro calu hayklo du Tawro gefonoyo d’Lamasu, dmati l’qento du hrowo. Mi celtho d’zalzale dhawyowa ban 1800, nafılwo u hayklano bu nahro b’Nuhadra.
NUHADRA (DOHUK), Ciraq – U hayklano du Tawro gefonoyo dıkdocır lu zabno du malko di mamlaxtho Othuroyto-Sanharib, kıtle ulsoyutho rabtho l’Nuhadra bu garbyo du Cıraq, cal dkıtyo u hayklo ihidoyo bu dumyano bu qlimo d’Kurdistan.
Elo u hayklano nafılwo mu turo lıgawe di dole d’Xans bıthır mi zalzale dhawyowa ban 1800’wat. U hayklano dkıtyo 275 tonat yaquro, 6 metrowiye celoyo u 4 metrowiye fathyo, ucdo kıloqe husrono rabo ma maye du nahro.
Cal du hayklano d’Lamasu ğalabe yaquro’yo u dkito ucdo qento dhorıw zıttır en dmıgrış mu nahro, tlib snodo ma arkeolog di bethsawbo d’Udine d’İtalya bnişo dmihafıd u tawrano dkıtle ulsoyutho bu qlimo.
An arkeolog d’Nuhadra udi bethsawbo İtaloyto, heş ma 2012 kımaşın fulhone frişe camhıdode. U bethsawbo d’İtalya, mqayadla holucdo 1.140 dukotho catiqe du arkeoloji b’Nuhadra, dıkhoye eba mınyono celoyo man abne du camaydan.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
