Nuri Kino mabdele tarmitho laşan la tedbire mqabıl di Corona

U gelyunoro şaryo du camaydan Nuri Kino, mabdele tarmitho leşan a tedbire mqabıl du kewo di Corona, dıgrışla u zuhoro dhın mabuce du tbocofroso du Swed.

 Kino bu video dfrısle bi dafo du nawlo dımşatsole, kımahke bu Suryoyo aydarbo ha gıdımhame ruhe mqabıl du kewo ubı zabno farsufe idice b’leşone mşahılfe kımahkın mın tedbire klozım dmimıd leşan dılomibarbız u kewo di Corona.

 Bi sbutho du kewo du virus di Corona u gelyonuro du cameydan Nuri Kino kıthule ğalabe naqqat mimaryotho u mzaharle abnaynoşe dhowın moro lruhaye xıd ğalabe menan di medya dıkfırsina tebe u tahrazyotho bi sbuthathe. Elo meqım kımo yawme mıdle fusqono dımşare tarmitho emwothoyto dkımzahro anoşe mın tadbire klozım maydi laşan dlımıfrıs u kewo ğalabe.

İ tarmithathe dı mabıdyola xıd dafo du nawlo dı mahıtle ışma TellCorona hiye kmahke bıha video mın tadbire klozım mimıd u bıthır kito farsufe idice b’Leşone hrene xıd carabi, swed u ğer kmahkın ba leşone dkıtlın a tadbire dmimodi mqabıl du kewo di Corona.

Bu mamlo dhawilan camu gelyunoro du cameydan Nuri Kino mırle; U nişo bi tarmithathe dımcawnina u camo kulha bu leşoneyde laşan dlımimarbız u kewano di Corona u dmoyıth noşe ğalabe.