OPEC u athrawotho hrene mtafaqlın cali fiye du nafto

A athrawotho di mşawtfutho d’OPEC wa athrawotho hrene dkıtlın nafto xıd Rusya u ğer methawelın dı manqısi i mafıryonutho du nafto 10 mılyune varile bu yawmo.

Larwal mu athro d’Meksiko kule methawelın bıthır me bu yarho d’İyor hul li harayato d’Hzirin gıd manqısi u nafto bu yawmo 10 mılyune varile.

A athrawotho dkıtlan u nafto hın mane bi sagiyutho bu şutoso du OPEC’ne elo be bzabno kito athrawotho dkıtne larwal mu şutosano dkıtlın mafıryonutho du nafto.

A athrawothani du nafto bıthır me droşo dı naqıs u zebono du nafto bıbritho methawelın dı manıqsi i mafıryonutho du nafto laşan du timo du nafto dlı nohıt ğalabe.

Mawxa bıthır me droşe dhawilın anathrawotho du OPEC wa nathrawotho hrene larwal me Meksika kule methawelın bıthır me 1 bu yarho dothe d’İyar manıqsi i mafıryonutho du nafto 10 mılyune varile bu yawmo hul 30 bu yarho d’Hzirirn di şatathe.

Bıthır me Hzirin 6 yarhe lafqıdam bu yawmo gıdmanıqsi 8 mılyune varile hul 30 Nisın di şato da 2022 u bıthır mu zabnano u yawmo gıdmanıqsi 6 mılyune varile du nafto.

Meksiko dı maqbela i awyuthathe bu yawmo gıdmanıqso 100 alfo varile bu yawmo.

I celtho du tenqiso di mafıryonutho du nafto laşan dlınohıt u timo du nafto ğalabeyo. Metul ucdo u varil du nafto nahıt l’31 dollare mqabıl dmeqım kımo ışne salıqwo lalcıl me 100 dollare.