22/02/2021

QASAD maslamle hamşo folhe dcımraye laltah ma 18 ışne la yaqrothathe

A haylawotho d’Suriya demoqratoyto d’QASAD, kımdawmi dmafiti la haye aqyome dkıtlın cam Emwotho Mhaydotho.

 Bu tarano, u makıthbo du sutoro da nacime ba zabne du qrobo d’QASAD maslamle hamşo folhe dcımraye laltah da 18 ışne la yaqrothathe bu kanton di Hasake.

 Lfuth u qyomo dkito bayn d’QASAD u Emwotho Mhaydotho, u makıthbo du sutoro da nacime ba zabne du qrobo dkıtyo masro cam QASAD, maslamle bu kanton di Hasake hamşo folhe dkıtne laltah da 18 ışne bi mıştawtfonutho di rişonitho zawgoyto du makıthbo Marwa Alcabdalla wa yaqrotho da folhe.

Alcabdalla bi maqırhonutho dhula l’Hawar News mırla “hamşo folhe bıthır mdımthabatlan bi ruşmoyutho dkıtne laltah da 18 ışne, frışilan ma haylawotho folhoye d’QASAD, laşan dmitasılmi la yaqrothaththe”.

Bu zawho du teslimo, a’yaqrotho da folhe nacime mdelın warqo dkımakdo dmasılmi elaye a’nacimaththe ma haylawotho d’QASAD.

U makıthbo du sutoro da nacime du kanton di Hasake, hul ucdo maslamle 44 folhe dcımraye laltah da 18 ışne la moraththe.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…