Qaşişo Danho Bulut mşane bu athro d’Almanya

Abuna qaşişo Danho Bulut, mşanele ma hayani a zabnoye bi mdito d’Harsewinkel d’Almanya.

 U mnohnafşo hani 30 yawme bi koma’we mi celtho du kewo di Corona.

Abuna qaşişo Danho Bulut u mkanono di cito d’Mor  Augin d’Harsewinkel d’Almanya, mşanele athmıl ma hayani a zabnoye bıthır zabno yarixo dkıtwe kayiwo. U mnohnafşo mawlıd ban 1941 me Maqıdşoyo Şamcun u Mısriye Bulut. Mzawağwo cam Hawo u hawilın 8 nacime-6 abne u 2 bnotho u 31 nubğe u 21 nubğe da nubğe.

Bi şato dan 1993 mgalwela i iqartho l’Almanya. U mnohnafşo xıdımle 40 eşne i cito Suryoyto Orthodoksoyto wu 50 eşne xıd malfono du leşono Suryoyo. A 10 eşne haroyani’ste-kull şato mafıtle 6 şabe bu tewlifo da nacime di qritho d’Mzizah

U mnohnafşo hani 30 yawme bi koma’we mi celtho di corona. Ramhıl yawme d’Şabtho gıdmisım u jınnaz gıdmisım bi cito d’Mor Augin b’ Harsewinkel wu fağrayde gıdmınqıl li qritho dmawlıd eba-Mzizah, u gıdmicafe ba bethqbure di qritho.

U Huyodo Suroyo d’Urifi’ste frısle egartho u mqadamle a buyoayde calu şunoyo d’Abuna qaşişo Danho Bulut.