Sadeddin Ergech of the Iraqi Turkmen Front. Image: Al Jazeera
21/02/2023

Qoyume Turkumanoye mqadamlın talab dmişahılfo i qastra dı Tellacfar wi qaastra dı Tozxormato l’tarte hiğmınwotho bu garbiyo du Ciraq

A’qoyume Turkumanoye bu parlamento du Ciraq, maslamlın tahwitho dkiba 21 talabe lu rişwazire Muhammad Şiyac Alsudani. Bayn da talabe di tahwitho, kito u talab dmişahılfo i qastra dı Tellacfar wi qaastra dı Tozxormato l’tarte hiğmınwotho bu garbiyo du Ciraq.

21/02/2023

BOĞDOD – U qoyumo Ğarib Alturkumani adyawma bışmıd da hadome Turkumanoye kulle bu parlamento du Ciraq, hawile ytawto camu rişwazire Muhammad Şiyac Alsudani bu qentrunayde bı Boğdod, u maslamlele a’talabe dkıtlın a’Turkumanoye du Ciraq.

Meqım mathe, Alsudani tlıbwole ma qoyume Turkumanoye dımbayni lohitho da talabaththe, u bu şıklano a’qoyume Turkumanoye ba droşe dhawilın cama n’abne du camaththe, mtayablın lohitho dkiba 21 talabe.

Mbayn da talabe di lohithathe, kito u talab dmişahılfo i qastra dı Tellacfar bi hiğmonutho d’Ninwe wi qastra dı Tozxormato bi hiğmonutho d’Salahıddin l’tarte hiğmınwotho.

U qoyumo Turkumanoyo Muxtar Yusıf mawdacle, w’alaw ste kito barmothoye m’ğer came dıkhoyın b’Tellafar ub’Tozxormato, elo naqla hreto u menyono da bnaynoşo dıkhoyın ba fenyothani raboyo, u gıdhowe tawtır dmişahılfi l’tarte hiğmınwotho xıd şıkıl du nfoqo du moro la diloyothaththe.

21 bu yarho d’Konun u Qadmoyo bi şato da 2014, u mawtbo da wazire du Ciraq mıdwole fusqono dmişahılfo i daşto d’Ninwe, Tozxormato u Falluja l’hiğmonutho, elo hul ucdo i şultonutho d’Boğdod lımhalaqla ulo dawse bi sbuthathe.