Qoyumo Çelik frısle maqırhonutho bu yawmo şatonoyo du qtolgenso d’Simele

U qoyumo şaryo du cameydan bu parlamento d’Turkiya Tuma Çelik, frısle maqırhonutho bu yawmo şatonoyo du du qtolgenso d’Simele dsımwo calu cameydan ban 1933 bu garbyo du Iraq.

Me gabo hreno i qadişutho du fatiryarxo di cito Suryoyto Qatholiqoyto Mor İğnatiyos Yusuf III’yo Younan, bi koruzutho dsımle mathkarle u yawmo şatonoyo di golutho du cameydan mi dashto d Ninwe.

 U qoyumo Çelik bi maqırhonutho dfrısle bi dafeyde du Twitter komır; A hayle hakome du Iraq wa hayle sanodathe, qtilın zıttır me 5alfo man abne du camo Kaldoyo Suryoyo Othuroyo b’Simele du Iraq u jbırlın hol 60 alfo hrene dımgalwın ma qıryawothathe.

U qoyumo şaryo du cameydan bu parlamento d’Turkiya Tuma Çelik mırle’ste; Kımathkırina a Sohde du qtolğenso d’Simele u ksaymina qrayto la hayle qlimoye dmawdın bu qtolgensano leşan dlo mikarır hawxa hawbe barbroye u qtolğense.

Me gabo hreno i qadişutho du fatıryarxo Mor Yusuf III Younan bi koruzuthayde mahkele aydarbo a marhıbone d’Dacış hçımwolın calu cameydan bi daşto d’Ninwe u jbırwolın dımgalwe ma dukothathe a şerşoye.

I qadişuthayde mırle; Ahna u camo şerşoyo dan athrawotho dkıtne b’Bethnahrin’na mawxa u zedqaydan’yo dcayşina bu iqoreydan cam came hrene b’şawyutho. Bu huthomo i qadişuthayde sımle qrayto la mşale Iraqoye dsaymi u sutoro da Mşihoye şerşoye du athro mbarxo du Iraq.