Qoyumo Çelik frısle maqırhonutho bu yawmo şatonoyo du yawmo du şlomo

U qoyumo şaryo du cameydan bu parlemento d’Turkiya Tuma Çelik, frısle maqırhonutho bu yawmo şatonoyo du yawmo tibeloyo du şlomo.

Bi maqırhonutho dfrısle Çelik komır; Şlomo imacneyde kmitaqimi a yawme catume, ha dsoyım i musaba du maktbzabnoyo, u dmimodi a zedqe noşoye tahte du duyoqoyo, u şlomo i macneyde dımşatsina haye hireyo.

Çelik bi maqırhonutheyde dfrisle bu yawmo du şlomo Tibeloyo komır; Bu qlimaydan zıttır me kull yawmo, kito sniqutho lu şlomo. A şalitone du qlimeydan dıkmdawmi ba siyasat du şroyo du qetro bu qrobo, mşahlafle u qlimo li duktho di nuro. Mawxa kfaytina me maşıqlo dban alfayo dıbnaynoşo kmıqtoli uba mo alfayo’ste kmıçbori li golutho.

U qoyumo şaryo du cameydan komır; Bu zabno da taxtuşe dkıtne qaşye, wolitho rabtho’yo b’qamuthayna dsaymina aminutho bu şlomo. İ aminutho da siyasat du qrobo kımamtın hrowo rabo cam ruhaye. B’Suriya uban athrawotho hrene, a siyasat du floğo da mazhabe uda hiyoywotho kımawbli a haye du camo Suryoyo u da Mşihoye laf haye catume. U hawxa kmitahıt u dactid dıde bu qento.

Bu huthomo di maqırhonuthayde dıkımhane u yawmo du şlomo Tibeloyo Çelik komır; Şlomo i mıcneyde kmitaqimi a yawme catume’yo, şlomo i macneyde ha dsoyım i muhasaba da hawbe dsımle bu makthabzabnoyo, u dmimodi a zedqe noşoye tahte du duyoqo’yo, u şlomo i mıcneyde dımşatsina haye hire camhdode’yo.