Qoyumo Lars Adaktusson mfanele u Şeh Kaşif Virk

U qoyumo du gabo da Mşihoye Demoqratoye bu Swed Lars Adaktusson, mfanele u şeh Kaşif Virk, d’thımle u qoyumo bu şejoco di fliğutho beyn da Mşihoye uda Maşılmone.

 Bu funoyo dkobe Adaktusson lu şeh mırle; En ha dobıc dhowe falqo du şroyo du qetro mqabıl da rdufye dkowe cala Mşihoye, klozım inaqlayo dha hoze i şrorutho wa tahwiyotho dkito.

Bu şuroyo di mimarthathe dfrısle u qoyumo du gabo da Mşihoye Demoqratoye bu Swed Lars Adaktusson bi sfaryawmo d’Expressen mawdacle du şeh Kaşif Virk frıswole bu yarho dı şafıcina egartho bcayni sfaryawmo u thımwole u qoyumo Swedoyo dıkmnase dmahıt zıttır fliğutho u qrobo beyn di tawditho Mşihoyto u Maşılmoneyto.

İ egarthathe du şeh’ste funoyo’wa li maqırhonutho dfırsole Adaktusyon 14 bu yarho dı şafıcina cala rdufye dıkmisomi ba eşne haroyani cala Mşihoye u aydarbo mşawşıti a rdufyani l’qetro global. Adaktusson mawdacle’ste du haylo bıthre da rdufyani dcala Mşihoye, i Maşılmonutho’yo u fuşoqo qaşyo di tawditho’yo.

Elo Adaktusson grışle u zuhoro calu taşroro dfrısle u tukoso d’Open Doors u dmawdacle, da Mşihoye kımırdofi b’13 ma 15 athrawotho dbritho dkıtyo i sagiyoyutho da bnaymothoyathe Maşılmone. Adaktusson mawdacle, du şeh kobıc dmacmıs caynothe cali şroruthathe u me darbe dı dorış mın kibe dmisım leşan dmıkle qum du şuşoto da rdufye dkowe cala Mşihoye wu dhol 260 milyone kmırdofi adyawma cal dkıtne Mşihoye, u şeh lıkobıc dmahwe tolerans.

Bi maqırhonuthathe Adaktusson bşıkıl rwiho, mahkele cala socurwotho dsımle lu Iraq ubı caynothe hzele i aykanoyutho du camaydan, i goluthayde ma dukothayde a makthabzabnoye wi casqutho dıkloqe. U qoyumo mahkele’ste du camaydan dı dacır bıthır li daşto d’Ninwe, kıloqe ba hçome hathe da hayle Şica dıkmısnodi mu İran wu şuhlofo demoğrafoyo dıkmisım ba dukotho du camaydan wi sniqutho dkito adyawma li mşaynuthathe u dmitahwe statu li daşto d’Ninve xıd duktho yothoyto, dı qudri a Mşihoye wa qalilotho hrene dımdabri ruhaye.