Qoyumo Paylan ftıhle dacwa mqabıl du qoyumo Ümit Özdağ

U qoyumo du gabo Demoqratoyo da Came-Garo Paylan, ftıhle dacwa mqabıl du qoyumo şaryo Ümit Özdağ, cal dımhaqarle u d’gzımle

U tahdidano mqabıl d’Paylan sim, bıthır mi rmoyto dımqadamwole u qoyumo leşan u parlamento d’Turkiya dmawde bu qtolğenso dan Armınoye.

U qoyumo şaryo u tuhmonoyo d’Turkiya Ümit Özdağ, mhaqarwole u gzımwole athmıl u qoyumo Armınoyo d’HDP Garo Paylan, cal dımqadamwole rmoyto lu parlamento du athro leşan dmawde bu qtolğenso dsımwola i mamlaxtho da Cuthmanoye calan Armınoye bu zabno du qrobo qamoyo dbritho.

Bıthır mu gzomano, Paylan ftıhle ucdo dacwa mqabıl d’Özdağ-dmıstacfewole me İYİ party-dkıtyo gabo dflığwo mi MHP dkıtyo ucdo bi şultonutho camu gabo d’AKP. İ şkuwathe d’Paylan, simo calu asas du ruğzo udi bcelıdboboyutho dmahwıyo mqabıl dide u dkıtyo lfuth u mluwo da 2016 du bethdino da hawbe.

Paylan mqadamle i şkuwathe cali meltho dmasrafle Özdağ dmırwole lu qoyumo d’HDP; Hatste gıdhowıt nesyuno xıd Talat Paşa. U farsufano’we u ardixlo du qtolğenso dsımwolın a Young Turk cala came Mşihoye dıkcayşiwo bi mamlaxtho da Cuthmanoye. Bi rmoytayde Paylan, tlıbwole’ste dmitaqım u ışmano dmahıt cal zabuqone d’Turkiya.

Garo Paylan mırle; A qroyotho du cnufyo mqabıl da qalilotho, kıfotıh u darbo qum da hawbe du ruğzo wa mamlani, lıkowe d’şufci dlo msombrişo. Camgabe d’Paylan, hudro da Zedqe noşoye d’Turkiya’ste mawdacle dgıfuthi dacwa mqabıl da melani d’Özdağ-dkıtyo dyoşo di nuqzo dan 14 du konvenşın da zedqe noşoye d’Urifi.