Qreyto la gabe u şutose du cameydan dmihaydi camhıdodhe

Farsufe yadıcthone şarye du camaydan frıslın egartho ftıhto la gabe u şutose du cameydan dıksaymi eba qrayto dmitabde fulhono mşawtıfo beynothaye.

 Bi egarthathe dıkmahkın calu maşıqlo casqo dıkfoyıt ebe u athreydan wa hjome dıkmisomi calu cameydan, mawxa ulsoyoyo, da gabe u şutose du cameyda dlutmi lıhdode u dsaymi lumodo mşawtıfo.

 Bi egarthathe dımahatlın a farsufe ışmonaye tahta, kmahkın bi qamayto i casqutho dıkfoyıt u cameydan bu athro ubi golutho. U bebzabno kmahkın cala teştcinye dkito calu dactid du cameyydan mawxa kımawdıci; ucdo ulsoytır me kul zabnoyo da gabe u şutose du cameydan dlutmi lıhdode u dımqadmi talabe mhayde me britho.

A farsufani dıkoyawlın bi sbutho du camathe kımmi hın ma talabe dıklozım dhowe mdabronwotho lu cameydan b’Suriya ubi daşto dNinwe ubu athro d Suriya u leşono Suryoyo dhowe leşono maqiblo bu athro.

Bi egartho a farsufe dımdelın tahta kımmi, dmisim lumodo mşawtfo la gabe u şutose, citotho du cameydan xıdu lumodo dhawiwo bu Cıraq ba 2003 leşan  dmihaydi a talabe du cameydan bayna işmo latyo ulsoyo bu zabnano dkityo casqo lu cameydan. I egarthathe frisolın ba dafe du cameydan u mşadrolin l’ğalabe dafe.