22/01/2021

Rişone da citotho u farsufe folitiqoye mu cameydan mqadame tahınyotho lu rişono Amerikoyo hatho Biden

Menyono ma rişone da citotho du camaydan u farsufe idice bu haqlo tawdithoyo u folitiqoyo, mqadamlın tahınyotho l’Joe Biden dmasrıh rişono hatho d’Amerika, u tlıballe kuşore bi wolithayde i hathto.

 Bi egartho dımşadro l’Biden, kmıtlıb’ste mene dfolıh leşan dmitaxifo i casqutho noşoyto u momunoyto du camo d’Suriya, dilonoyith bu maşıqlano u casqano dımbarbız ebe u virus d’Corona.

 Menyono d’rişone tawdithoye, folitiqoye u kenşoye b’Suriya, bu Madınho Mescoyo ubı britho, mşadarlın egartho lu rişono hatho d’Amerika Joe Biden. A farsufe dımdelın i egathathe kımqadmi tahınyotho l’Biden dmasrıh rişono hatho l’Amerika, u tlıballe kuşore bi wolithayde i hathto.

Camgabıdathe, bi egarthathe kmıgrış u zuhoro cala şartat casqe dıkhoye u camo d’Suriya mca fothe di aykanoyutho mahişonitho bu haqlo momunoyo, kenşoyo, noşoyo udu hulmono, dilonoyith bu maşıqlano dıkmimarbız u virus d’Corona b’surhobo rabo.

Bi egarthathe kmitamır; Meqım 10 ışne, Suriya salo d’muklo wa li fnitho, elo adyawma u athrano mati lu qento du kafno udi faqirutho lfuth i mawdconutho du tukoso d’Emwotho Mhaydotho. Kito ba mılyune dıbnaymothoye Suriye dıkloqın hboso rabo, kcayşi ucdo bu telolo du quro udu kafno.

A farsufe dımdelın i egarthathe, mşaçaclın’ste Biden dımcadır a bnaymothoye d’Suriya bnişo dmitaxıf u kriz noşoyano dıkmhadıd dhowe şalqa hathto di lo thnihutho bu Madınho Mescoyo. Beyn da rişone tawdithoye dımdelın i egarthathe, kito u fatıryarxo di cito Suryoyto Orthodoksoyto Mor İğnatiyos Afrem Trayono, u fatıryarxo da Suryoye Qatholiqoye Mor İğnatiyos Yusuf III Yawnan wu fatıryarxo da Suryoye Malkoye Qatholiqoye Mor Yusuf Cabsi.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…