22/01/2021

U Mawtbo Gawonoyo d’Emwotho Mhaydotho maqbele i rmoyto dmisım u sutoro da dukotho tawdithoye

U Mawtbo Gawonoyo d’Emwotho Mhaydotho maqbele i rmoyto dımqadmo, leşan dmınfıq mqabıl di tuhmonoyutho qşitho u dmihafıd cala dukotho tawdithoye bnişo dhowe tolerans mqabıl da tawdithoyo kulle.

 İ rmoytathe’ste mqadmo mi Scudiye cal ışme d’mınyono d’athrawotho frişe; beynothaye Mağreb, Mısır, Iraq, Kuwait uğer.

Bu knuşyo dsımlın athmıl a hadome du Mawtbo Gawonoyo d’Emwotho Mhaydotho kulle bha qolo m’ayadlın i rmoyto hathto dımqadmo du nişayda, dmitahwe ağono mqabıl du ruğzo tuhmonoyo dkito mqabıl da tawdiyotho u dmihadi a dukotho di slutho bu şeçoco lu tolerans da haymonwotho kulle.

İ rmoytathe d’ışma; Lubobo lu şlomo marduthoyo u tolerans lu sutoro da dukotho tawdithoye, mqadmo bu lumodano da 50 bu Mawtbo Gawonoyo d’Emwotho Mhaydotho mi Scudiye-xıd mathlonitho d’Mağreb, Mısır, Cıraq, Kuwait, Coman, a İmarat, Sudan u Pakistan. Bi rmoytathe kmıtlobi a zedqe noşoye, i hirutho du renyo udi tawditho u dmitaqım kull şıkıl tuhmonoyutho u frişutho mqabıl da qalilotho etnikoye u tawdithoye.

Bi rmoytathe kmıtlıb man athrawotho hadome dımhalqi dawsat mqabıl da mamle du ruğzo, dmitakle u cnufyo wa qedome mrimone dkito mqabıl di haymonutho uda dukotho tawdithoye-a citotho, a knuşyotho wa masığde u acmaye’ste dmitakle u tehriwo da dukotho catiqotho di mardutho. A mtaybone di rmoytathe, kıkurhi’ste kull şıkıl d’ruğzo-dıkmıfrıs b’kthawto, bu mamlo, bu tbocofroso uğer u mawdıc, di marhıbonutho layba u lıkowe dmitasiro b’tawditho, umtho, aw ğrob etnikoyo.

U nişo di rmoytathe’ste dmihafıd cala remze tawdithoye mqabıl dkull provokasyon u tuhmonoyutho’yo leşan dmişaçco i hirutho tawdithoyto b’britho. Bebzabno kmitaczım u notarozo gawonoyo d’Emwotho Mhaydotho Antonio Guterres dmalım a mathone Emwothoye, mşale folitiqoye u tawdithoye, mşale d’tukose frişe lknuşyo bnişo dmitaşe fulhone mşawtıfe leşan dmitafito i rmoytathe la haye.U mede dıkgorış u zuhoro cali rmoytathe dmaqbılo, dımqadmo me athrawotho dkıtyo i sagiyoyutho da bnaymothoyathe Maşılmone’yo.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…