Rusya ksındo a esore bayn lu rajim d’Suriya u da Kurdoye

Rusya mawdacla dıksundo aytawyotho dkibın dhowın beyn du rejim d’Suriya udi Mdabronutho yothoyto du garbyo udu madınho d’Suriya.

 Bi maqırhonutho dhula i malılto di wazirutho di baroyutho d’Rusya Maria Zaxarova mırla; İ klayteydan, a Kurdoye d’Suriya falqo me d’Suriya’ne dlo floğo.

 Bi maqırhonutho dhula i malılto di wazirutho di baroyutho d’Rusya lu tbocofroso mırla: Suriya athro dkibe gawne dcame mşahılfe u ahna hawxa kıbcina dhozinale bu zabno dactid.

Zaxarova bu mamleyde mırla. Bu zabno dactid ahna xıd Rusya gıdsındina a itawyotho dhowın bayn lu rejim d’Suriya u la Kurdoye cal esas dıha athro dlatyo fliğo. Ahna kıhozina a Kurdoye falqo mu athro d’Suriya dlatyo fliğo, bu şıkılano a Suriye dımşakli u athrathe dılo furşono di hiyoyutho u tawdiyotho u dcayşi bı mşaynutho u thınihutho.

Rusya ba maqırhonwotheyda dcali Mdabronutho yothoyto qulnaqla kmıstacmılo u camo Kurdoyo cıl mıd kudco dkito Suryoye u came hrene bi fnithathe.