Sedat Peker frısle video dmaglele cala esore dkıtle camu Rişqutno Erdoğan

U rişono du grub di mafya d’Turkiya Sedat Peker, maglele ftiho a esore dkıtle cami şultonutho du gabo d’AKP dkıtyo bi rişonutho d’Recep Tayyip Erdoğan.

Bu video dfrısle athmıl Peker mawdacle, dcalu darbayde mşadır radoyotho malye zayne lu Gbino d’Alnusra d’Suriya.

Bu mamlo dsımle Sedat Peker maglele i qariwutho dkıtle lu rişqutno Turkoyo Erdoğan. Peker mırle; Ono u ahuni Edoğan dıkmallina camhıdode u kımsamhina hdode. Bebzabno makele aydarbo mşadır radoyotho malye zayne calu darbayde la marhıbone d’Suriya; beynoathaye u Gbino d’Alnusra.

Peker bu mamleyde kımahke cali tagorutho dsaymiwo calu nafto dkito b’Suriya u komır; Bi tagoruthathe mhelan zuze ğalabe. U mşalano du grub di mafiya dsamwo a fulhonayde kule cami şultonutho, mahkele naqla hreto calu waziro di gawoyutho  Suleyman Soylu dıkmqaşmır acle u kmoyadle lu gırgır.

Bıthır ma mamle dsımle Peker cali tagorutho lo ruşmoyto du nafto wu şedro da zayne la marıhbone, u qoyumo catiqo du gabo di CHP Fıkri Sağlar sımle qrayto lu rişwazire catiqo Ahmet Davutoğlu, dnofıq mahke cala şuğlone cçiqe dsımla Turkiya bıgawe d’Suriya, metul hın ma şuğlonani simi bu zabno d’Davutoğlu.

Bu mamlo dsımle Peker ftihe mırle; Heş kito sebwotho ğalabe dıklozım dmitagle aclaye, a şuğlonani dkıtne me zwono u zebono da gelone mtanwone li tagorutho du nafto uda zayne dsimi bi idactho da mşale di şultonutho d’Erdoğan u dhın ma şultonwotho dmeqımste.