Senatore idice tlıbe me Pompeo dmitahıt tedbire mqabıl d’Turkiya

Tre ma senatore idice du Senato d’Amerika bi egartho dıkthulın lu waziro di baroyutho d’Amerika Mike Pompeo tlıblın dmitahıt tadbire yaqure cal Turkiya mqabıl du şğuşyo dıksaymo bu yamo mıscoyo.

 İ egarthathe a senatore mşadrolın meqım mi itawto dhawyo adyoma bayn du waziro di baroyutho d’Ameri Mike Pompeo u lu waziro di baroyutho du yawnan Nikos Dandias.

A Sanatore dkıtne Bob Mendez Chris Van Hollen bi egartho dımşadrolın lu waziro di baroyutho d’Amerika Mike Pompeo kmahkın aşğuşye wa bişotho dıksaymo Turkiya mqabıl du Yawnan u dilonoyith bu yamo mıscoyo mawxa kımtalbi mu waziro dmitahıt tadbire qaşye mqabıl dı Turkiya xıd msombrişo awkith jıza.

Bi egartho asenatore kımi ahna meqımste mawdacwolan u kroxo d’Turkiya calu nafto u gazat bu yamo mıscoyo lo qonunoyoyo, u lıgmitaqbıl d’Turkiya dmiharko bamaye baynothemwothoye.

Bi egarthathe a senatore kımtalbi dhowe esore camu huyodo d’Urifi u dmitahıt tadbire u klayto mqabıl d’Turkiya.

A senatore bi egarthathe dımşadrolın meqım mi itawto d’Pompeo camu waziro di baroyutho du Yawnan Nikos Dandias krımzi d’Amerika mahwuyo klayto camu Yawnan mqabıl dı Turkiyayo.