SEPO mawdacle hın mşale da madraşyotho masrene cama marhıbone

Anistixbarat du athro du Swed SEPO bi mawdconutho dhule lu tboco froso mawdacle dkito hın farsufe dkıtne masre ba marıhbone dıksaymi mşalutho lhın madraşyotho bu athro du Swed.

 Lfuth imawdconutho dhule SEPO lu tboco foso du Swed mırle kito farsufe dıkmıstafdi ma qonune du Swed u calu darbo da madraşyothani knuqli a rınye qaşye dkıtlın la yolufe.

 Me zabno yarixo kmıfrıs tebe bu swed dkito hın mdinotho u şawthawotho  dıksoyıd ebaye u rınyo tuxmonoyo qaşyo u bhın duktho msik farsufe xıd mşale di maşılmonutho dsımlın koruzwotho di marıhbonutho.

Elo bıthır ma buhone u buqore dsımlın a istixbarat du Swed mawdaclın dkito farsufe dkıtne qariwe la gurube da marıhbone bi rişonutho dhın ma şutose dkıtne mdabrone dı madraşyotho dkıtne hire bu athro.

Bi mawdconuthathe dhulın a istixbarat mawdaclın dıklozım misım şuhlofe ba qonune da madraşyotho laşan dhawxa farsufe dkıtlın asirutho cama marıhbone dlı fayti li mdabronutho da madraşyotho.

Bi mawdconuthathe mırlınste kıtlın buhone dıkmahwın da farsufani dathın li mdabronutho da madraşyotho frıslın a rınye tuhxonoye awste da gurube dkıtne masire bınne la yolufe, u hathe kmıhzoyo qento lu athro du Swed mawxa SEPO ktolıb mi şıltonutho dmmisım şuhlofo ba qonune dılo kul noşe kibe fotıh madraşto aw howe mdabrono d’Madraşto.