10/04/2022

Cuqobe QASAD b’Deyr Ezzor, msik 2 marhibone

Bu cuqobo dilonoyo dsımlın a Haylawotho d’Suriya Demoqratoyto, msıklın tre marhıbone d’Dacış qariwo lu qlimo d’Deyr Ezzor. Me gabo hreno, i şultonutho d’Boğdod kımdawmo bu nqolo da yaqrotho da marhıbone Cıraqoye dkıtne bi maşritho d’al Hol bi Gozarto d’Bethnahrin.

10/04/2022

A Haylawotho d’Suriya Demoqratoyto, sımlın athmıl cuqobo cal bayto bi qritho d’Alzer dkıtyo qarıwto li mdito d’Deyr Ezzor. U baytano d’marhıbono d’Dacış’we ubu zabno du cuqobo, nafıq taxtuşe beyn da hayle d’QASAD ud marhıbono elo bi harayto mıski a 2 marhıbone dkıtwın bıgawe du bayto.

A marhıbone nqili bıthır l’nuqazto d’QASAD leşan a buqore. 6 bu yarhano’ste marhıbono dkıtwe rawoxo cal motor, mhele b’2 farsufe b’Alzer dkıtwın meqım hadome d’Dacış ubi netiçe qtil ha menaye u hreno mçarıh. U hçomano’ste sim, bıthır mıd a hayle d’QASAD maqşelın a cuqobathe cala marhıbone b’Deyr Ezzor.

İ maşritho d’al Hol bi Hasake, idıcto’yo bu mınyono celoyo da yaqrotho uda marhıbone d’Dacış dkıtne bıgawa wi Mdabronutho yothoyto hani eşne, kısaymo qroyto lan athrawotho dnuqli a marhıbonathe mu garbay madınho d’Suriya. Bu tarano, ha man athrawotho dıbdele dnoqıl a bnaymothoyathe-u Cıraq’yo.

U malolo di wazirutho dcali golutho mawdacle, dımbayanlın 450 yaqrotho hrene leşan dmitawfıqi mi maşritho d’al Hol u dmınqoli lu athro. Elo meqım dmınqoli’ste klozım a yaqrothani bi qamayto dmitafiti b’tahrazto du rehabilitasyon. Heş bi maşrithathe d’al Hol, kito 8 alfo yaqrotho-awkith 31 alfo Cıraqoye.