19/04/2022

Sim adyawma u bethdino di iqartho dbe Diril

Adyama mşarele u bethdino bhaq di sbutho di iqartho d’be Diril, dbıthır me hbose u kthawyotho bu tbocofroso uma qoyume du gabo di HDP, dınqilini sbutho lu parlamento d’Turkiya. Bi ytawto dhawyo bu bethdino d’Şırnax, hadırwo hadome di iqartho, u qoyumo d’Mırde Tuma Çelik, u rişono du Fedarasyon da Hudre Suryoye Awgin Turker wa mathlone du Huyodo Othuroyo Kaldoyo d’Fransa.

19/04/2022

Bi şato da 2020 bu yarho du ha frıswolan u tebo di iqartho d’Be diril Hermız u Şmuni Diril  dıkcayşiwo bi qritho d’mahre  d’Şırnax htifi u layto tebo cala hayathe.

Bıthır b’65 yawme athi u tebo mayiro dımqafyo i şlado di mnohto Şmuni Diril dı qtilo bşıkıl barbroyo dmahwewo ma mahwotho dkıtwo calu fağreyda.

Mu yawmo wa huladyoma a mşale qlimoye di şıltonutho lo sımlın fulhono dmqafe Hırmız Diril u lo msıklın noşo cıl mıd i iqartho d’Be Dirirl rmızwola cal Apro Dirirl dkıtwe u farsufo ihidoyo dhoyewo bi qritho camgabe di iqartho da abıhotho du kohno di citeydan i kaldoyto Ramzi Diril.

Bi sbuthathe i iqartho baynothaye u qoyumo du cameydan Tuma Çelik hın ma qoyume di gabo di HDP kulnaqa u bkul duktho mdacelın qay i şıltonutho lık saymo med bhaq di sbuthathe.

Ba tahrazyotho u bat ebe dsimowo b’Suroyo tv kulnaqa griş u zuhoro dkito mathlone di şıltonutho bıthre di sbutahteh mawa kbmibic dmikase cali sbuthathe, elo a hbose dsımlın a hadome di iqartho wa şutose du cameydan wa qoyume du gabo di HDP mamtelın i sbutho d’adyoma mşarela bu bethdino di mdito d’Şırnax bi mtaybonutho baynotahye abuna qaşişo Hermız Diril a hadome di iqartho wa sniğre, wu qoymo du cameydan Tuma Çelik u qoyume mu gabo di HDP Hasan Özguneş, U Hasan kaçmaz, u rişono du federasyo da hudre Suryoye SUDEF  Awgin Turker u mathlone mu federasyon du huyodo Othuroyo Kaldoyo d’Fransa laşan dmahwın u snodathe li iqartho d’Be Diril.

Bi maqıblonutho dmatilan mu Sniğro di iqartho Rojhat Dilsiz mırle  Adyoma mşarelan bu bethdinano dma zabno yarixo kcawdina ele dmisim, bu fusqono dmid mawdıc Apro DDiril gıdhowe taht edu duyoqo msiko hul dmitahwe u dino haroyo dı latyo idico ema gıdmimıd, u sniğro mırle ışmo ste dhowe fsihoyena, dımsip Apro Diril, u be bzabno tlıblan mu bethdino dmitaslamlan a warqe dkıtne bsire xıd mathlo u mamlo dhawi bayn d’Apro Diril calu darbo du telefon dhawile cam noşe bu zabnawo, u xeyr warqe dhul adyoma dmahatwo aclaye ğnizutho.

Bi mawdconutho dmıdlan mu qoyumo du cameydan mawdacle du bethdinano tawo hawi u ucdo mwaxro hul 16 bu yarho dotho d’İyor.