Sim hfitwotho mşahlıfe mqabıl du msoko da qoyume b’Turkiya

Bıthır mu msoko da 3 qoyume da gabe d’HDP u d’CHP, sim hfitwotho u mahwe hfuxye bı athrawotho u mdinotho mşahılfotho.

 Hıdo ma dukothaniste, Mıdyad’wa u rişono du Federasyon da Hudre Suryoye Ewgil Turker, qırele u buyono du gabo d’HDP u d’DTK dıkrıhlın u msokano.

 Bu buyono dıqrele Türker bu bınyono d’HDP d’Mıdyad, krih u msokano u mırle;  I şultonutho tuxmonoyto du gabo d’AKP u MHP xıdu mede dsımlın meqım, ucdoste maqımlın i hasinutho da 3 qoyume; dkıtne 2 me HDP Leyla Güven u Musa Farisoğulları wu qoyumo d’CHP Enis Berberoğlu. Bı yawmo ha bşıkıl lo qonunoyo dışlın u sebyono du camo u mahti bu hbuşyo.

Türker mırle; Ahna kudcina i şultonuthathe i tuxmonoyutho faşist, xıd kull naqla kıbco dsaymo darbe calu sebyono du camo. Ucdoste kudcina di şıltonuthathe i tuxmonoyto matyo l’darğo, bıgawe druha dmifarfıso u taymo, mawxaste ksaymo a zawcani.

Bu buyono dıqrele Turker komır; Latyo inaqla qamayto dıkmisım darbe aclayna, bi şato dan 1994 maqimo i hasinutho da hawroneydan u mahti ba hbuşye. Elo mahwelın hfuxyo demoqratoyo u mhalaxlın bı xtuto demoqratoyo bu zabnawo. Ahnaste ucdo bcayni şıkıl darbo demoqratoyo, gıdkolina i klaytaydan leşan dmafqina a teştıcınye di şultonuthathe lu xalyo.

Bu buyonano d’HDP mawdıc; Ahna gdımdawmina u ağuneydan u dxudmina u camo ubu darbano, bi klaytaydan i demoqratoyto bkull duktho gıdmahwenala u hawxa gdımdawmina hol dmadrina i şultonuthathe. Bu huthomoste u gabo d’HDP sımle qroyto lu gbino demoqratoyo dcamıhdode, dobın ağuno mqabıl di lo kinutho u tuxmonoyutho dkito.