25/08/2020

Sim hjomo cal radoyto Rusoyto b’İdlıb

I wazirutho du sutoro d’Rusya mawdacla, d’mafır soruho bıhdo ma radoyothathe bu macırbo d’İdlıb d’Suriya. Uhjomano sim, bu zabno da hayle Rusoye u Turkoye saymiwo dawriya bu qlimo.

Megabo hreno mawdıc, d’nafıq naqla hreto taxtuşe qaşye beyn da marhıbone noqufe d’Turkiya u da hayle du rejim d’Suriya bu gbino d’Benin bu tayımno d’İdlıb. Bu zabno da taxtuşaniste makıd dıqtil u mjarıh mınyono celoyo ma tıre hayle saqıbloye.

Lfuth i maqırhonutho dhuwla i wazirutho du sutoro d’Rusya, hıdo ma radoyothathe b’İdlıb d’Suriya mido nişo lıhjomo bı soruho di RBG. Hathe da 2 naqlat b’zabno d’8 yawmeyo, dıkmımhe soruhe ba radoyotho Rusoye b’Suriya.

Uhjomano u haroyo sim, bu zabno di dawriya mşawtafto simo beyn da hayle Rusoye u Turkiya bu macırbo d’İdlıb. I wazirutho Rusoyto makadlaste d’2 ma folhayda mjarhi bu hjomano dsim aclaye b’İdlıb

İ Mşatasto da zedqe noşoye d’Suriya dkımcaqbo u qrobo gawoyo d’Suriya me London d’Britania mawdaclaste, d’Turkiya maqwela i ithuthayda calu darbo Emwothoyo d’M4 beyn di Latqiye u Holob, bnişo dı qudri dımdawmi a dawriyatani cama hayle Rusoye bu qlimo d’İdlıb.

Megabo hreno a taxtuşe qaşye kımdawmi beyn da hayle kaboşe d’Turkiya u da marhıbonathe mqabıl da hayle du rejim d’Suriya. Ba taxtuşe haroye dhawın b’Jabal al Zawiya bu tayımno d’İdlıb, mawdıc dıqtil 3 folhe du rejim u mjarıh 8 wu 2 marhıbone qtili u 6 hrene mjarhi bu zabno dımnaselın dkubşi u qlimo. Athmıl casriyeste, hjımwolın a marhıbonani d’Turkiya cala hayle du rejim bu qlimano.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…