03/03/2020

Sim muroyo beyn da korale da citotho di marcitho d’Hollanda

Sim muroyo da korale da citotho bi marcitho d’Hollanda. U muroyano dımtayıb mu huyodo di claymutho di cito Suryoyto Orthodoksoyto, mıştarıkalle a korale da citotho cam menyono rabo dcamo dmahwewole calaqa rabtho.

 İ gudo du koral d’Mor Fetrus u Mor Fawlus d’Enschede, mnaqyo i qameyto bu muroyano. 

U huyodo di claymutho di cito Suryoyto Ortodoksoyto b’Hollanda SOJP mtayable athmıl yawme dhuşabo muroyo da Korale.

İ cito d’Yoldath Aloho d’Hengelo dsımla baytoyutho lu muroyano, meştawtıfalle 7 gude. A gude dmeştaraklın haniwın: Mor İğnatiyos Nurono d’Rıjssen, Yoldath Aloho d’Hengelo, Mor Şemcun d’Zayte d’Oldenzaal, d’Mor Yuhanun d’Hengelo, d’Mor Yahkub da Sruğ d’Enschede, d’Mor Fetrus u Fawlus d’Enschede wi gudo d’Mor Quryaqus d’Enschede.

İ gudo d’Mor Eşacyo dı Gronau xıd dayfe mıştarakla umaşmacla qole la hadire.

İ tahrazto du yawmo mqadmo mu taraf d’Sanne Turan u Christian Mutlu. U kıtwostene gudo dı dayone dıkmişaklowa me malfono İshok Esen, Daniel Afram u Georgi Lahdo u abuna qaşişo Josef Togan.

A gude kulle maşmaclın 4 qole u zmirotho dıkmişakliwo me tborto, Bothar Ewangeliyun, Lutaniya u Huthomo. İ mcalyutho du hasyo di marcitho Mor Policarpus Augin Aydin’ste dhadır wıdsımle mamlo bu muroyano, a qashe wa xuroyeste meştawtaflın uhadiri ebe.

Bi netije du quwolo dsımla i gudo da dayone, mnaqela i gudo du koral d’Mor Fetrus u Mor Fawlus d’Enschede i qameyto bu muroyano. Wi gudo da tarte d’Mor Yahkub da Sruğ d’Enschede uda tlothostene di cito d’Mor Quryaqus hawyo.

Check Also

Qay lo mawdela i şultonutho du Swed bu qtolğenso dsim ban 1915

‘Qay lo mawdela i şultonutho du Swed bu qtolğenso dsim ban 1915 calan Armınoye, Suryoye Ot…