13/06/2021

Sim u tethkar du Sayfo qum da qoyumwotho du Sayfo bı dukotho mşahlıfe

Bu zabnano dımqarawle u duxrono du Sayfo dsim calu cameydan bi şato dan 1915, hın ma gabe u şutose du camaydan bıdelın dsaymi hfitwotho, leşan dımyaqri a Sohde dbıhlın a hayathe qum du cameydan. 

Bı Swisra-bu kanton d’Tiçino mathkarle ESU wu Mawtbo d’Mor Yahkub mathkarlın a Sohde, ube bzabno b’Beljika b’Bruksel’ste qum di qoyumto da Sohde mathkri a dıbhe du qtolğenso.

Adyoma bıthır ma şoce d’falge dyawmo sim u duxrono du sayfo qmi qoyumto du sayfo dkıtyo bi karxutho d’Eterbek dkıtyo b’Bruksel bi mtaybonutho du efetrufo fatıryarxoyo d’beljika u d‘Fransa i mcalyutho d’Mor Gewargis  Gawriye wu rişono zawgoyo d’ESU fahmi Vergili  wu qoyumo du mawtbo di karxutho Aziz Es u hadome mu mawtbo di karxutho camu camo dhadırwo lfuth a tadbire di corona.

Bu duxronano u efetrufo fatıryarxoyo mqadamle mamlo cali macne du Sayfo, u be bzabno u qoyumo Aziz Es ste sımle mamlo bu leşono Franşoyo u Suryoyo  cali macne du Sayfo cal ışme du mawtbo di karxutho d’Eteberk .  u rişono zawgoyo du huyodo Suryoyo d’Urifi ESU fehmi vergili mahkele cali yasifutho dminfıq moro lu yawmano du sayfo dkıtyo i hiyoyutho du cameydan.

Bıthır ma mamle dsimi u efetrufo fatıryarxoyo Mor Gewrgis Gawriye cam ha ma hadome du mawtbo di marcitho mahatlın kafo d’Warde qmi qoyumto du sayfo du cameydan. Bu athro d’Swizra bu kanton d’Tecino ste sim slutho mşawtafto laşan u duxrono du Sayfo dmıştawtaflela qaşişo Abrohım Bandır xuroyo Karim Asmar cam Abuna Mixayel be bzabno kaşişo Cercis barqşo dıdowewo hadiro elo mu hulmoneyde lı qadır hodeır.

Bu yawmano bıthır mu qerowo alohoyo dsim bi rişonutho du kohno di cito d’Mor Ayhkub Abrohım Bandir sim mamle cali macne du yawmano du saufo.  Abuna xuroyo Kerim Asmar mqadamle mamlo bu leşono Suryoyo calu nfoqo du muro dlu sayfo, u bıyhır abuna qaşişo Mixayel mqadamle mamlo bu leşeono caraboyo calu Sayfo, bıthır mathe abuna qaşişo abrahım bandır sımle mamlo bu leşono italoyo cali macne du duxrono du Sayfo, u bıthır mıd tayimo i slutho a kohne wu camo dı hadırwo azınwo qmi qoyumto du Sayfo dkıtyo bu wahdo du şayno d’loqarno. Harke ste a kohne maqımlın temeşto cali ruho da sohde du sayfo u du cameydan, bıthır abuna xurroyo karim Asamr mqadamle tawdiyotho la mhadrone di hfitutho u bıthır Yaşar Rhawi ste sımle mamlo calu sayfo.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…