Stefan Löven mawdacle dkıtyo mqabıl du tewqido du qurcan

Isbutho du tewqido du qurcan kımdawmo dmıdroşo bu tboco froso du athro du Swed d’Danmark u bebzabno u rişwazire du Swed Stefan Löven hule maqırhonutho dıgnofıq mqabıl du medano. 

 Bıthır ma maqırhonwothani dsımle Rasmus Paluden dkıtyo mu gabo d’Stram b’Danmark u gabeyde kzaydi a qoleyde u kibe dcobır lu parlamento du athro.

 I sbuthathe athyo lu hwoyo bıthır mıd frıswo tebe mşahılfe dı kıthiw kıthawyotho u sımwo ruşmo lo nadife cala citawotho dkıtweyne dilonoyith bi fnitho d’Malmö du Swed. Bıthır ma haqarani dsimiwo cala citotho falqo mu kenşo swedoye mşarewole dı dorış u rınyo di maşılmonutho mın nişo kıtla ba sıbwothani.

Bıthır ma tebani u mathlono du gabo d’Stram kurs 2017 d’Danmark Rasmus Paludan tlıbwole fsoso dmawqıd u qurcan bi taklitho b’Malmö, elo lı qayıthle.

Be bzabno nafıq qale bayn da farsufe dıbciwo dmawqıdi u qurcan u la maşılmone dı nafiqiwo dnıfqi mqabıl da mtagılyone u hajimi aclaye ba mele u bu mahyo komır u tboco froso d’Malmö.

Bi sbuthathe msik 14 ma maşılmone dsımlın hjome, u 6 ma mtagılyone. U mede dıkgorış u zuhoro bıthır ma sıbwothani a qole du gabano dkıtyo b’Danmark zayidi u matın l’darğo dkibın cıbri lu parlamento du athro. Bi sbuthathe u rişwazire du athro du Swed Stefan Lövem mawdacle dkıtyo mqabıl du tewqido du qurcan. Me gabo hreno Paludan mawdacle dkıtlın tahrazto dmawqıdi b’hameş mdinotho d’Stockholm u qurcan.