Mor Ğriğoriyos Yahnanın Abrohım u Mor Bulus Alyazici.
22/04/2022

SURIYA: Fayit 9 ışne calu htofo d’Mor Ğriğoriyos Yahnanın Abrohım u d’Mor Bulus Alyazici

Meqım 9 ışne xıd adyomo frisiwo a tebe dıtre ma hsayo da citawotho ducameydan htife bu athro d’Suriya. Mu yawmawo hul adyoma layto tebo cala haye datre hsayo du cameydan, u mede dkıtyo mdawmro bi sbuthathe dı layto tebo cala hayathe u lo noşe mıdle u htofano cal ruhe.

22/04/2022

SURIYA – 22 bu yarho d’Nison di şato da 2013 şmıcwo u tebo du hasyo di marcitho d’Holob di cito Suryoyto Ortoduksoyto Mor Ğriğoriyos Yahnanın Abrohım u Mor Bulus Alyazici di cito malkoyto Ortoduksoyto htife bu zabno dkıtwene dacore l’Holob me farsufe di hiyoyuthathe latyo idicto.

Bıthır ma tebani hın ma gabe u şutose du cameydan sımlın tagılyotho u hfitwotho laşan dı tılbi ma hayle dıbritho dımşayli cala tre hsayo htife, u hın ma şutose du cameydan u mşale di tawditho saymiwo cayni qrayotho dıkmisomi kulnaqa lo saymutu mede laşan dlo mitadiri a hsayo u hawxa mdawamle hul adyoma u layto lo tebe ha cala hayathe cıl mıd mir naqa mawdıc dıg mitarfın.

Bi sbuthathe hul adyoma layto mede ruşmoyo dman htıfle a hsayo elo ba ışne haroye a rınye kımşalti u bahro du rejim d’Suriya kıtle idactho cali sbuthathe.

Mede ha idicoyo a hsayo htifi laşan dobın zuhoro lu cameydan dlo macle qole bi sbutho du qrobo d’Suriya, elo cıl mathe kule u cameydan kımtalıb ba zedqe druhe bu athro d’Suriya, u kobe ağuno di hirutho bkul şıkıl.