SURKADİM frısle buyono bu yowmo şatonoyo da neşe 8 Oder

U hudro da neşe d’Turcabdin Surkadim frısle buyono bu yawmo şatonoyo d’8 oder dkıtyo u yawmo du tecliyo du rişo mqabıl di lo şawyutho dkito mqabıl da neşe u du cnufyo dkowe aclaye.

Surkadim cam gabe du buyono mhadarlın masıdro da neşe kmahwın u hfuxyathe bu yawmano u maktabzabnoyo dımşare mi şato da 1909.

U buyono d’Surkadim kımşare ba melani: 8 oder u yawmo tibeloyo da neşe, yawmoyo du mrodo dhulın a neşe mqabıl du cnufyo u di dişutho dıkmisomoyo.

Surkadim bıthır mıd kmahkın cali macne du yawmano u calu mrdodo dhulın aneşe kmahkın cali dişutho dıkmisim calu ğenzo da neşe.

Bu buyono u hudro da neşe d’Surkadim komır ahna xıd hudro kımdawmina bu ağuneydan laşan i şawyutho da neşe du cameydan bkul duktho, u be bzabno gıdkolina mqabıl dkul dişutho u lo kinutho dkito.

Cam gabe du buyonano u hudro d’Surkadim mhadarle hfitutho du nawlo laşan maşmıc u qolo da neşe du cameydan u be bzabno grışle u zuhoro calu cnufyo dkowe mqabıl da neşe. Bu masıdro dıfrıslın b’leşone mşahılfe cama gabe da tre lecze du leşono Suryoyo ksaymi qrayto dlı misim cnufyo cala neşe metul di athto emoyo hayeye u hiruthoyo.